校園Guide

唔知大家有無成日聽到啲friend話李敏鎬、金秀賢係佢老公，IU、秀智係佢老婆？放心，佢地只係患上哈韓症候群，只要睇多幾套韓劇就可以將佢地嘅心靈unlock! 今日等小編介紹四套熱門韓劇比大家，等大家一齊投入韓國Oppa/ Onni嘅懷抱啦！

1/ 女神降臨

第一套要介紹嘅係由漫畫改編嘅韓劇《女神降臨》！韓國超人氣網路漫畫《女神降臨》自傳出要改編為戲劇版嘅時候已經備受關注！而且三位超高顏值嘅新生代演員 文佳煐、車銀優、黃仁燁，幾乎「神還原」漫畫中嘅角色，劇照一岀所有Fans都話佢地根本係漫畫入面走出嚟添！

《女神降臨》劇情講述一位對外貌相當自卑，渴望變靚嘅女仔任朱靜（文佳煐 飾），透過化妝變身為校園知名美人，令人生終於有咗180度大轉變。原以為終於迎來幸福人生，卻意外被校內擁有出眾外貌嘅學霸李修豪（車銀優 飾）發現真實面貌，又結識咗外型壞壞痞痞嘅校園男神韓書竣（黃仁燁 飾）以及元祖女神姜秀貞（朴侑娜 飾），進而展開風波不斷、爆笑浪漫的高中生愛情故事。睇完包你成個世界都比粉紅色泡泡包圍住呀！

 

2/ Sweet home

跟住落嚟就係令人緊張刺激嘅Sweet home! 試過有一次同朋友講起，佢重以為係啲溫馨愛情片添呀！改編自金坎比同黃英璨共同創作連載於Webtoon嘅同名人氣網路漫畫《SWEET HOME》，講述因校園暴力傷害而躲藏係房間生活嘅隱居型高中生，因為失去家人而搬到舊公寓後，發生奇怪同衝擊性嘅故事。公寓居民一夜之間變成怪物，世界陷入前所未有嘅災難中，主角們同其他倖存嘅居民只能與怪物們展開生死搏鬥，同時亦要提防自己被慾望吞噬、成為怪物們的一員。鐘意睇緊張刺激劇情嘅你，千祈唔好錯過啦！

3/ 哲仁皇后

《哲仁王后》由《花郎》尹成植導演與《監獄醫生》朴繼玉編劇合作打造！本劇講述生活係自由的現代大韓民國的男人–青瓦台的廚師張奉煥嘅靈魂穿越到朝鮮王朝時代王宮內哲宗（金正賢飾）的王妃金昭容（申惠善飾）體內後所展開的故事。雖然作品改編自陸劇《太子妃升職記》，但導演表示主角穿越後嘅發展截然不同！雖然劇中涉及韓國歷史部份爭議不斷，但收視依然節節上升，有申惠善演技加持，輕鬆又搞笑嘅小品，值得一睇！

4/ 愛在大都會

最後一套係現代愛情劇，《都市男女的愛情法》(NETFLIX 譯名：《愛在大都會》)劇情主要講述係複雜嘅都市入面，主角們因為忙碌嘅城市生活而暫時想脫離真正嘅我，藉由夢想住”另一個我”去尋找幸福同愛情。主要角色包括：池昌旭、金智媛、金玟錫、蘇珠妍、柳京洙、韓智恩等，六位主角。三對CP嘅都市愛情故事演繹出比任何人都坦誠、積極面對自己人生嘅“真”戀愛故事引起共鳴。而本劇劇情輕快而唔沉重嘅愛情法與多彩嘅城市風景相融合。睇完之後就會有種「我想戀愛了」嘅感覺。

 

小編要浸入韓劇嘅世界了！OPPA卡芝嘛！