校園Guide

臨到SEM尾，一大堆Group project追住我，有無人最近同小編一樣咁壓力山大？ 啊姨，我不想努力了。事實上我知道係唔會有一個咁嘅啊姨岀現，我只可以頂硬上，嗚。唔知大家做Group project嘅時候有無相遇到過以下幾種人？

 

1/ 學霸
同學霸一組佢可以carry哂成個project，不過學霸就唔係個個都係好嘅，好嘅都會聽人意見帶翻大家去一個啱嘅方向做野。唔好嘅，自己諗哂就叫人做，完全唔諗人意見，大佬呀，唔好咁痴線啦！Show some Respect OK?

 

2/ 廢柴
佢嘅存在會令你懷人生，你會開始諗點解佢好似好努力幫手做野但佢做錯哂啲嘢，究竟你想我點？我到底應該用咩方式叫佢改嘢，我唔知我真係唔知。。。

 

3/ 自由騎士
基本上唔到Present個一日你係唔會見到佢，「下？做完啦！咁我講邊part?」點解你會好意思問？唔講咁多啦， peer evaluation 見。

 

4/ 問題少女

做親Project佢都會好唔肯定，然後問好多個問題。其實問之前你有無真係諗過？你答我！

 

5/ 死線戰士
佢比自由騎士嘅存在好似高少少，佢會係present前一晚岀現，不過咁你永遠都唔知你遇到嘅係做野有質素定無質素。

 

6/ 你

你永遠就係默默做個個。。。加油！

 

祝大家今個SEM可以過三爆四，之後個個SEM都會遇到好Groupmate!