校園Guide

讀到大學就知道，一年時間眨吓眼就會過。你同你嘅莊員/莊友不知不覺都識咗成年，平時可能只係見到佢哋努力工作好champ嘅一面。就算係約出去莊聚，第二日等緊你嘅可能係補習/part-time/event/mid-term…大家都係苦中作樂，冇時間享受只屬於大家嘅時光… 而最好嘅辦法，就係離開香港去一次莊trip，喺幾日時間入面重新認識你身邊嘅戰友。
喺大學時期同一大班friend去旅行，可以話係只屬於年輕人嘅奢侈，而一次莊trip帶俾你嘅回憶同驚喜，可能遠超你想像。
今次為大家推介嘅地點就係越南峴港喇！
峴港可以話係越南近年新興嘅旅遊城市。因為位處越南中部地區，無論係想往北去河內，定係往南去胡志明市都非常方便，而且仲可以順路去埋周邊城市添！

建議行程

第一天	到埗 → 酒店周邊午餐 → 美溪海灘 → 晚飯
第二天	會安一日遊
第三天	巴拿山一日遊
第四天	粉紅大教堂 → 漢市場掃街買手信 → 漢河附近咖啡店chill → 晚飯
第五天	去超級市場買零食 → 離開

 

住宿

 

在 Instagram 查看這則貼文

 

簡小嫺 Kiki媽（@kikimom_）分享的貼文 於 PDT 2019 年 6月 月 13 日 上午 9:18 張貼

峴港近年因為旅遊業而飛速發展，尤其係遊客最多嘅美溪海灘。海邊酒店林立，而且距離市中心車程只有十幾分鐘，方便去沙灘玩完上房沖涼換衫，建議大家選擇美溪海灘附近地區住宿。
 

交通方面

峴港冇公共交通系統，要穿梭於城市之間可以選擇搭的士或者自己租電單車。
搭的士可以下載越南版call的士app Grab，用法基本上同Uber差不多，而且車費比香港平太多太多，感覺去到當地自己都變咗有錢人。掃以下QR code就可以下載：

而想租電單車嚟個青春旅行的話，記得了解清楚租借條件，係咪需要車牌，記得安全至上！

重點景點推介

1. 峴港地方細細，最多係食同買嘅地方，未必可以留足五日。建議大家抽一兩日時間去埋峴港附近嘅會安同巴拿山，咁就玩得盡興啦！

 

1. 1. 會安
2. 由峴港去會安大概一個鐘車程，大家可以選擇坐Sleeper Bus，旅遊巴上面有可以躺平嘅座椅，啱曬前晚夜話玩通宵要補眠嘅你哋。而回程就建議大家坐的士翻峴港，車費都係港幣$100左右。
3. 
4. 會安舊城區傍晚開始熱鬧起嚟，大家可以選擇去掃街，或者係河邊食大排檔，又係另一番風味。
5. 
6. 會安令一樣出名嘅就係燈籠陣，同埋水上放河燈。成班莊員可以平平哋買一套越南傳統服飾，齊齊係燈籠陣前面影翻啲靚相啦！
7. 
9. 2. 巴拿山

巴拿山主題樂園位處海拔1,800米嘅高山上面，出名有靚景打卡位，仲有機動遊戲，同埋世界最長嘅登山纜車，真係可以玩足全日！

 

在 Instagram 查看這則貼文

 

Renci Yeung 楊偲泳（@renciysw）分享的貼文 於 PDT 2016 年 9月 月 3 日 上午 7:54 張貼

小編推薦必玩Alpine Coaster鐵道滑車，可以同時享受山頂風景！

精選餐廳

好似上次泰國篇一樣，去得物價較低嘅地方，當然唔好放過大拆一餐嘅機會！

1. 1. 食環境氣氛食到飽： Nhà hàng Madame Lân
2. Nhà hàng Madame Lân 位於漢河河畔最熱鬧嘅飲食街，餐廳內部裝修充滿越南風情，建議大家要求坐庭院或者對街嘅位置，氣氛一流！

3. 在 Instagram 查看這則貼文

    

   @xxean 分享的貼文 於 PDT 2019 年 3月 月 19 日 下午 11:28 張貼

小編私心推介大家嘗試佢嘅酒煮獅蚶，清甜之餘又彈牙！好似上圖2-3人份量埋單大約港幣$80，一大班莊員攤分的話會再平啲，係咪抵食先！
2. 越南式高質放題 Ngon Villa Danang Restaurant
呢間越南菜餐廳雖然風格同上面嗰間類似，但係主打放題形式，俾固定價錢就可以任叫餐牌上面嘅菜式。

 

在 Instagram 查看這則貼文

 

（往左滑有影片） 在越南工作的朋友推薦的餐廳 第一天就馬上來了? 真心真心大推薦~我很喜歡 菜單裡所有菜色都是 “all you can eat”吃到飽 由於菜色太多 我們不知道從何挑點起 就請店員直接幫我挑選好吃跟受歡迎的先上 菜不停的來 桌子永遠都是滿滿的 不過每道份量都不多 做的很精緻 所以可以同時品嚐很多道菜 很過癮 （飲料不包含 不想喝不用點） 餐廳充滿了傳統的燈籠 用餐的餐具很講究 還有人在旁邊演奏 很浪漫耶～ 重點是這樣吃下來一個人才$500多台幣～～～ 峴港真的讓人太愛了吧 ?? 同時也是TripAdvisor 票選峴港第一名餐廳? #danag #vietnam #mylittleescape #smileandhavefun

D E N I S E（@ydenisenp）分享的貼文 於 PDT 2019 年 6月 月 11 日 上午 7:30 張貼

而且加分位係侍應生服務態度超好，好有耐性介紹唔同菜式。最重要嘅係，一餐放題埋單只需要大約港幣$100，唔去真係走寶。
 
3. 隱世咖啡店 Sếu coffee stand
呢間小巷裏的咖啡店真係小編嘅私藏推介。雖然漢河附近有好多Cafe可以睇住靚景，不過呢間喺鬧市後面嘅Coffee stand就特別得多喇，因為佢係由公廁改裝而成㗎！店主係胡志明市人，因為嫌首都太擁擠繁冗，毅然決定去峴港發展。呢度仲會定時舉辦咖啡工作坊，大家有興趣的話可以預約定去上堂，齊齊煮咖啡。

 

在 Instagram 查看這則貼文

 

Sếu coffee stand（@seu.coffeestand）分享的貼文 於 PST 2019 年 1月 月 27 日 上午 1:46 張貼

 
上莊成件事真係好青春，但係如果淨係chur做而忽略咗大家chur玩嘅機會，實在太可惜。
所以話：成也莊trip，敗也莊trip。可唔可以令各位莊員玩的盡興，關係更上一層樓，就睇今次！如果你係搞手派或者係行動小隊，不妨參考吓以上資料，開始計劃吓屬於你哋支莊嘅難忘旅行啦！以下係參考Budget （10人行，五日四夜，12月旺季）：


 

機票（HK Express）	約港幣$1,000/人* *價格可低至$300左右，視乎出發日期
住宿	4晚每人約港幣$700
交通	約港幣$200（未攤分）
飲食、娛樂雜費	約港幣$2000/人
總計	約港幣$4000/人

延伸閱讀:

青春無憾：莊trip精選推介之泰國曼谷篇

【旅遊優惠】KLOOK 日韓台優惠 星期四限時搶

【一路向西】西寧青海一週大環綫

Exchange慳錢必備之國際學生證