校園Guide

其實有不少大學生做實習除了是爲累積工作經驗，都希望完成實習之後可以有Return Offer，轉為全職，咁就唔洗為咗工作而不停面試。所以今日就同大家分享一啲點樣攞到Return Offer貼士啦！

---

1.做定Research

返工之前最好做下Research，了解一下公司背景。如果工作上有需要用到某啲Tech Skills嘅話就應該要學定，例如一啲常用嘅Excel Skills，或者會用到既Software同System等等，就算未去到好熟都起碼認識基本功能先，唔好一張白紙咁走入去！

 

2.適當地建立人際關係

好多學生以為要建立人際關係，第一日入公司就博命同人傾偈，同啲同事扮friend，咁樣做實在太明顯了，反而會令人對你嘅第一印象唔好。其實最決定你攞唔攞到Return Offer既係你Team Head，所以最緊要係Team Head覺得你做得野。

3.冇嘢做都唔好Hea

頭幾日返工同事可能會未得閒比野你做，呢個時候就千祈唔好因為冇嘢做就睇YouTube或者碌IG。反而可以問下同事或上司Common Drive入面有咩公司文件可以睇下，又或者可以主動問下同事有咩可以幫手，不過千萬唔好5分鐘問一次咁，問太多亦都可能煩到人。

 

4.主動問下自己嘅表現

想要Return Offer都要能力表現達標先得！有時侯自己以為做得很好，但係上司眼中又係咪呢？所以建議各位intern可以在午飯時間或放工時間等較輕鬆的Timing，同同事傾閒計嘅時候問問。