校園Guide

好多人都有生暗瘡嘅煩惱，想斷尾又斷極都斷唔到，真係好煩～好多人以為做好皮膚管理就ok，但其實有時未必係外在嘅問題，反而係身體有其他內在嘅問題，例如有壓力或者荷爾蒙、內分泌失調等問題。而暗瘡生嘅位置其實都反映咗你身體不同部位出現問題，今日就一齊睇下生係5個 唔同位置嘅暗瘡，意味住咩你有咩健康問題啦！

---

1.嘴角、下巴

如果係嘴角、下巴生暗瘡，可能就係你嘅腸胃有問題，特別係便祕問題。同時亦都同內分泌有關，女仔亦都可能會受經期同荷爾蒙影響而生暗瘡。所以盡量少飲凍嘢同食生冷嘢，同時都建議食多啲高纖維嘅菜。

 

2.鼻

如果係鼻或附近位置生暗瘡，就代表你最近脾胃、消化系統較差。雖好唔好食咁多甜嘢、澱粉質、油炸及辣等刺激性食物。當然酒都盡量少飲，盡量清淡、少油為主。

 

3.眉心、額頭、太陽穴

如果係眉心、額頭、太陽穴生暗瘡，就代表你心火盛或者肝火旺。通常都係同壓力有關係，所以要多多注意睡眠質素以及情緒，煎炸熱氣也都係少食為妙。如果你最近覺得壓力大、睡眠質素差，可以試飲一下洋甘菊茶，洋甘菊茶可以有效改善睡眠質素㗎！

 

 

4.背部

如果係背部生暗瘡，代表排毒功能欠佳，令毒素積聚在背部，上背長得較多暗瘡的是肺熱，下背則是腎濕熱。另外，香港人壓力大，經常捱夜、飲食不均衡都會致背部生暗瘡㗎！

 

5.兩頰

如果係兩頰生瘡，就代表脾胃、肺最近較差。肺熱的話會令面部生瘡，最好唔好BBQ或打邊爐。如果都係忍不住食咗熱氣嘢，可以飲龍井茶或者抹茶下火。