校園Guide

去exchange係各位大學生夢寐已求嘅事，除咗可以擴闊眼界，亦都可以體驗同各國唔同嘅文化，甚至係發掘新興趣，真係講起都興奮。如果有得揀，你會揀Exchange定上莊？Why not both？上集同大家講解左「上莊」一事，下集就講「Exchange」啦！未睇上集嘅就記得爬文啦～

---

（1）學語言

學習新語言係呢個exchange之旅嘅重中之重。去到其他國家，點可以唔識一兩句當地語言去同人交流啊？例如蕩失路搵路人問路、到堂上用外語匯報，都好需要識講同聽外語。為咗應付日常生活同埋學習需要，自自然然會迫使自己努力啲學好嗰門外語。除此之外，去外國學語言亦可以話係最理想嘅學習語言模式，因為你會學到某個語言喺真實環境點樣運用，亦唔單止係課堂教授嘅教科書用語。如果同學真係想學好一門外語，不妨把握exchange呢個機會，聽多啲同講多啲。

 

（2）跳出comfort zone

如果去exchange，但大部分時間仍然係同香港嘅同學一齊相處生活，唔跳出自己嘅comfort zone，咁就冇咗exchange嘅意義。當然啦，識新朋友可能都需要唔少勇氣。如果你係一個比較內向嘅人，開頭難免會有啲忐忑，擔心外國人未必歡迎自己。但其實只要主動打開話匣子，會發現好多外國人都比你想像中嘅友善，亦都願意同你做朋友，藉此去了解多啲異地文化。

唔同人都會有唔同去exchange嘅目標或理由，希望大家去exchange嘅時候都會有好好嘅體驗，發掘到自己新嘅一面，咁先係整趟旅程最珍貴嘅～