校園Guide

開番關有得去旅行固然開心，但係咁耐無執過行李，你又記唔記得有咩要執先？無論你飛長短途，執行李都唔容易，一時怕自己放得太多東西在行李箱內，最怕自己「未出發，先爆喼」，一時又怕自己執漏物品，去到旅行地又買唔切或買唔到，所以執行李都唔係咁易，有張行李清單 ，執行李時跟着清單，逐一放入喼，咁就唔怕遺漏啦！

 

離港前

（1）核酸檢測(PCR)陰性證明（視乎目的地國家規定）

（2）完成接種疫苗證明（視乎目的地國家規定）

（3）買提供2019冠狀病毒保障旅遊保險

（4）酒精搓手液不超過100ml／消毒噴霧／消毒濕紙巾

抵港前

自2022年9月26日起：

（1）上機前不用做PCR，只需在登機前24小時內做快測

（2）香港居民不需要完成接種疫苗亦可登機

（3）在網上完成衞生署健康及檢疫資訊申報表

（4）申報後獲綠色二維碼（有效時限為96小時）辦登機手續

手提行李要點執？

只要將貴重物品及身份證明文件跟身大致就ok，包括：證件（護照、身份證、簽證）、行動電源、相機、手提電腦、提電話、行程資料及住宿列印本等。不過如果你乘長途機的話，就最好帶埋頸枕和眼罩，休息時都可以舒服啲。

順帶一提，要將100ml 以下嘅液體放到透明袋入面，同埋千祈唔好將尿袋放喺寄艙行李入面。

 

寄艙行李要點執？

寄艙行李不外乎三大類，分別是個人衣物、日常用品、藥物及瑣碎物品。

（1）衣物篇

好多新聞成日都話酒店嘅衛生情況惡劣，酒店毛巾都好污糟，所以建議都自攜毛巾。大家可以帶一啲「運動索水毛巾」，較容易乾！俾多個小貼士大家，有人教去旅行時，可以帶啲就快爛或殘舊嘅衣物去旅行，旅程途中可以扔掉，行李就會輕便好多，咁就可以有更多位買野啦！

（2）日常用品

大家可能覺得去到酒店，牙膏、牙刷、梳、水煲等酒店也會提供，點解仲要自己帶呢？其實大部分酒店供應嘅個人物品都比較污糟，甚至有人會在水煲內洗底褲或煮公仔麵，感覺有點噁心。與其咁驚衛生問題，不如就自己帶定呢啲物件啦！

（3）雜物

大家如果去到外地，建議帶定啲感冒藥或腸胃藥比較好，舟車勞頓抵抗力會低，吹一吹風好易病，加上腸胃一下子未必適合旅遊當地的食物，萬一有咩舒服，都有藥食可以頂住，唔好影響往後的旅程。