校園Guide

一年一度嘅聖誕狂歡節黎啦！今年聖誕終於無懼疫情，可以同一班好朋友一齊慶祝！大家諗定去邊度慶祝未呢？今日推介大家3個聖誕好去處，咁就唔洗愁聖誕無地方去啦～ 小編最有興趣就係去聖誕樹DIY工作坊，見到個成品真係覺得靚到爆燈，超級打卡able！整完仲有一聖誕大餐食添，正正子啊～ 記住save定呢個post，提早plan定去邊度玩la

（1）聖誕樹DIY工作坊

   

Christmas Tree Workshop + Dinner包括2 小時內的手綁聖誕樹課程，採用荷蘭進口新鮮貴族松 (Noble Fir) ，花藝師會指導你製作獨一無二嘅聖誕樹。完成聖誕樹製成品後，大家可以隨即喺餐廳享用四道菜式嘅節日限定聖誕晚餐。

（WED – FRI) 6:00pm/6:30pm – 10:00pm
（SAT – SUN) 5:30pm – 10:00pm
(2人成班，最多6人一班。如4人或以上可自訂參加時間）

課堂簡介:
• 1.5-2小時的手綁聖誕樹課程
• 採用荷蘭直送最高質量的新鮮貴族松(Noble Fir)
• 課堂內容包括聖誕貴族松(Noble Fir)修剪及處理，聖誕松手綁技巧，乾果、松果及其他聖誕裝飾的配搭及新鮮聖誕樹保養知識
• 專業花藝師全程從旁指導
• 聖誕樹製成品大概高40cm，連木頭底座總高度50cm，完成後可以整個帶走
• 完成手綁聖誕樹課程後可享用2小時的4道菜式聖誕限定晚餐（包括餐湯，前菜，主菜及甜點）
• 每位客人包括指定飲品2杯 （包括茶類，果汁，汽水或指定紅白餐酒）

可自由選擇以下四款菜式（餐湯、前菜、主菜及甜點各一款）:
• 餐湯：南瓜龍蝦湯 或 是日餐湯
• 前菜：香草意式豬手配紅菜頭青蘋果沙律／青檸蟹肉酥皮盒配三文魚子
• 主菜：澳洲威靈頓牛柳配紅酒汁及薯泥和各式蔬菜（2人份，需提前預訂）／蘋果木煙燻雞配椰菜花飯及各式蔬菜（2人份，需提前預訂）／脆鱗日本甘鯛魚配椰菜花飯／西班牙紅蝦意大利幼麵／烤封門牛柳配阿根廷青醬
• 甜品：開心果法式焦糖燉蛋／是日甜點

Christmas Tree + Dinner: 每位原價$1,780 ?? 推廣期內$1,480

了解詳情

 

（2）愉景灣聖誕歐陸小鎮

   

愉景灣一向都係一個充滿異國風情嘅地方，今次佢地搖身一變成為歐陸小鎮，聖誕燈飾遍佈於唔同角落。愉景灣會搞一個「聖誕周日露天市集」，除左有多款聖誕主題產品外，場內仲有聖誕歌舞表演，親手寫信比聖誕老人都得啊！另外大家仲可以享受「聖誕星空沙灘影院」，一邊品嚐美食一邊欣賞經典電影。今年仲帶黎左期間限定嘅「LOST聖誕版密室逃脫體驗館」、聖誕冰上表演等等，等大家都可以一齊享受愉快嘅聖誕節！

 

（3）九龍灣聖誕 NIGHT MARKET

       

今年黎自台灣嘅文青設計網站Pinko聖誕夜市有多過120個設計品牌齊集喺市集～ 有超多創意好物例如食品、家品、戶外用品、服飾、袋、文具精品、皮革、寵物用品等，同場仲有光影藝術展，打卡一定要去啊！呢個市集會喺12月16-18日舉行，入場係需要入場費嘅，所有入場人士都會獲贈一份精美禮物包，當中包括 Pinkoi Design Fest 2022特別版tote bag、Pinkoi x 威信聯名口罩、各式香水試用裝等。聖誕節前夕無地方去不如就去九龍灣行下啦！