校園Guide

作為大學生，日常除左上堂之外，大家點樣善用空餘時間去自我增值或者增加課外活動經驗呢？今日同各位同學仔介紹以下3個高質嘅自學網站，當中有電腦應用技巧、音樂類技能、語言學習等，無論係大學生定岩岩畢業，呢幾個自學網都好適合大家，快啲save低呢篇文，齊齊增值自己啦！

 

（1）PAPAYA 電腦教室

呢個係一個Youtube帳號專門教大家用一啲電腦常用app，例如有Adobe嘅Pr、Ae、Id、Ai等等，亦都有基本電腦操作Word、Excel、PPT等教學。佢地嘅教學都非常清晰，容易理解，無論你本身對呢啲程式認識與否，都可以輕鬆透過佢地嘅video學野～

㩒入黎學野啦！

（2）Guitarians

學吉他最愁就係搵唔到Chord譜，就算識曬啲chord都彈唔到自己鍾意嘅歌～ Guitarians就幫到你啦，入面有大量新歌、舊歌嘅譜，例如MC嘅記憶棉、周董嘅告白氣球、五堅情嘅零距離等等都喺齊入面，依家無藉口放棄自學啦？佢地仲有app版架，down埋落黎就最方便啦！

㩒入黎學野啦！

（3）井上一宏

學好一門語言就係最強嘅技能，不過想要學好語言一啲都唔容易，要靠時間慢慢加深記憶。其中除左英文之外，最多人想學嘅語言當然唔少得日文、韓文啦，無論煲劇定係去旅行都好容易接觸到呢兩個語言～想學日文嘅推薦大家去井上一宏嘅Youtube頻道，佢嘅教學非常詳細，條條片都過1hr，「真」日文堂～

㩒入黎學野啦！