校園Guide

行行都有本難念的經，每行都有辛酸史，「我睇你好，你睇我好」。好多時我地淨係睇到表面，比如羨慕做老師人工高、福利好、假又多，但其實有苦只有「做老師」嘅朋友先會知。好多做老師嘅網民都會話「做老師時薪唔算高，但月薪絕對見得人」，究竟做老師仲係咪呢個時代嘅筍工？有機會嘅話你又會唔會入行呢？今日就同大家一齊拆解下「老師」呢個行業嘅好與壞，對「老師」行業有興趣嘅同學記住睇落去啦！

 

迷思1: 每年假期多達90日？

90日學校假期包括17日的紅色假期（即中秋節翌日、國慶日、勞動節等）、星期六、長達一星期或以上嘅學校假期（如聖誕節、農曆新年、復活節、暑假等）。不過有時老師星期六嘅假期都會用作幫學生補課、帶隊比賽、回校訓練、家長日、學校開放日等，所以原有嘅假期都未必係實事，老師嘅額外工作都唔會有補錢或補假。而暑假嘅長假通常都會有Summer Duty，例如帶活動或交流團等。

迷思2: 工作穩定？Contract與Perm大有不同

Perm（長約）教師，又稱為常額教師，大部分都係頭兩年係試用期，之後就唔洗逐年簽約，薪金按教育局規定，有公積金，試用期滿後如鍋要解僱，手續係非常繁複嘅，姐話如非教師自動辭職或犯嚴重錯誤，學校係唔會輕易同老師解約。而Contract教師亦即係合約教師，係定期合約，大部分都需要年年簽約。簡單而言，合約教師可以隨時不獲續約，但工作就同常額教師一樣。

迷思3: TA升不上老師一職？

老師呢一行職位流動性較低，如果想轉校換工作環境都好難，對方就算有職位空缺，都有好多原校嘅文憑教師等升職或部分合約教師等升Perm位。當常額教師一席難求嘅時候，就有TA（教學助理）嘅出現。近年手持學士學位、教育文憑、碩士學歷嘅準老師師都無得成為常額老師，反而要簽合約制教師，甚至貶為TA。TA簡單黎講就係「雜工」，老師請病假要代課、影印、過膠、記錄分數等係日常工作，基本上咩都關TA事。咁究竟幾時先可以由TA升至老師？大多學校都會拖，「一年之後，又一年；三年之後又三年⋯⋯」，無了期等～不過近年多左好多人選擇移民，可能都係一個上位嘅好時機！

 

老師轉行有咩出路？

好多老師轉行都有唔同原因，例如覺得教書壓力太大、覺得自己唔岩教學生、想轉換工作環境，甚至是希望有更好的出路。

（1）補習導師

做補習導師係好多老師轉工嘅目標，因為工作性質接近，一樣都係教學生知識，工作經驗都有幫助。不過補習社其實都好多類型，如果可以喺大型補習社做到「補習天王」，用拆賬分佣按學生人數計算嘅話，收入遠比學校老師高。

（2）教科書編輯

不少教師轉行，都會向這方面發展，因為掌握課程大綱和重點，而且熟悉教科書和練習。事實上，教科書出版社都很歡迎有教學經驗的人擔任編輯，甚至會請退休教師為教科書把關。

編輯的工作就跟教書非常不同，比較文靜，主要是對稿，以及進行修改，亦有可能要幫手出練習題目，甚至寫內容。假如本身對教育有熱誠，但因為課堂壓力，或者本身較內向，不太喜歡終日拋頭露面，教科書編輯就比較適合。

（3）幼兒工作員

假如是幼稚園老師，還有一個熱門出路，就是轉行做幼兒工作員，主要是在社署資助的幼兒服務中心或託管中心工作，職責以照顧為主，教導不屬於主力，但亦會兼顧，幼兒工作員會照顧幼童的起居飲食和治理能力，還會設計不同的遊戲跟他們玩耍。

（4）教育局工作

教育局有一些職位，非常適合有教學經驗的老師。事實上，這類職位亦是專為老師已設，發展甚至比在學校教書要好，所以是很多教師希望事業更上層樓的出路。