校園Guide

話咁快又2月啦！情人節又準備到啦，最頭痕就係買禮物環節，簡直諗到頭都大啊！今次我地為大家整合埋男/女朋友「最唔想」收到嘅情人節禮物，等大家唔好中伏。另外小編仲貼心地整合咗各3款適合男/女朋友最想收到嘅情人節禮物，平貴都有，相信總有一款岩心水嘅！不過帶個頭盔先，建議未必人人都啱洗，大家買禮物時一定要根據自己另一半嘅喜好參考，買錯小心跪玻璃啊！

「最唔想」收到嘅情人節禮物

世事難料，相信大家見到呢個結果都會好驚訝！台灣近日做左一個統計，由男女網民分別選出「最唔希望」收到嘅情人節禮物，大家記得mark低，千祈唔好踩中地雷啊！

男性「最唔希望」收到嘅情人節禮物前5名係：「首飾」「花」「現金」「公仔」「食物」

女性「最唔希望」嘅情人節禮物前5名係：「花」「公仔」「朱古力」「袋」「服飾」

 

Top 3 女朋友禮物精選

（1）菲林相機

     

女仔最鍾意就係影相打卡，買部菲林相機比佢就岩曬啦！最平價抵玩之選，一定係一次性菲林相機莫屬！情人節當日影完就可以即時曬相，甚至可以當做其中一個情人節活動添！如果想之後有得繼續用，買部傻瓜菲林機都係一個好主意喔！

（2）燙髮夾

一到夏季，頭髮就會開始唔聽話，係好多女仔出門前嘅煩惱。情人節送呢樣就最好啦，拯救女朋友凌亂嘅頭髮，出門前5分鐘就可以快速整理髮型！

（3）夜燈擺設

DIY人像夜燈擺設其實無論送比另一半定係送比朋友都合適喔～ 實體係超級精緻漂亮！feel到心意之餘仲會好sweet，呢份情人節禮物一流啊！

 

Top 3 男朋友禮物精選

（1）銀包

           

銀包係最貼身之物，出街都一定要帶，算係實用之選。以上係3款價錢合理容易負擔嘅銀包款式，有皮亦有布款，岩曬唔同風格嘅男仔。

（2）手機殼＋手機繩

     

手機繩對於唔鍾意帶袋出街嘅男仔黎講都幾重要，尤其出去玩、參加活動嘅時候，手機繩就大派用場啦！

（3）電鬚刨

           

Braun﹑Panasonic﹑Philips 呢三個品牌都係喺電鬚刨界非常出名嘅牌子，送禮都好好睇頭啊！受budget所限嘅就可以選擇性價比高嘅Braun牌子，within $800都有好多選擇，而Panasonic﹑Philips 價錢方面就會相對貴小小了～