校園Guide

同學仔有無睇前幾個學車懶人包呢？如果大家都想學車嘅話千祈唔好錯過我地呢幾篇Blog啦！今集我地就仔細教大家點樣自己去報考車，到筆試tips內容都會大放送比大家！記得入我地website了解更多啦！

 

如果你決定咗出去跟師傅學車的話，咁報名考車嘅成個程序就要自己處理了～ 去運輸署排隊呢個過程出名難搞，所以出去打大佬前記得做晒功課，等你可以一次過搞掂晒，唔洗走多幾轉！

 

考車報名程序

（1）先填好喺運輸署網站上面嘅駕駛考試申請書 (TD82)同學習駕駛執照(TD555)

– 有啲人會遲少少先交學習駕駛執照(TD555)，因為學習駕駛執照只係為期一年，如果擔心唔可以係一年來考到嘅同學可以選擇係學之前先申請

（2）帶齊申請書、報名駕駛考試申請費（$510）、學習駕駛執照申請費（$548）、近三個月之住址證明，親自或委託代理人到香港牌照事務處或九龍牌照事務處辦理手續

– 記得首次申請駕駛考試者係要親身去交表

– 得香港牌照事務處同九龍牌照事務處可以報考，唔好去錯其他地方啦

（3）辦理報名手續後會獲得筆試排期信，按返指定日期去考就無問題架啦

– 如果想知大概幾時考，可以係交報名表前參考返運輸署網站。因為佢哋一般情況下都會順次序安排，睇佢哋嘅update至少比你知道有幾耐準備

 

筆試形式及內容

筆試形式會係電腦到考返20條選擇題，只要答啱16條或以上就會及格。問題按「道路使用者守則」而設（你報考學習駕駛執照時會送返本「道路使用者守則」小冊子俾你）。你除咗背熟個本小冊子外，仲可以download啲免費模擬筆試App，做慣做熟就唔難pass。

*唯一嘅貼士就係背熟數字題同圖案題，其他嘅嘢都會係基本常識*

 

考完筆試及合格後，你即時會收到路試排期信，到時你就會知道考路試路線同時間，之後再搵師傅都唔遲啦～