校園Guide

大學一定會做Group Project，自然就會遇到唔同嘅同學一齊做。好彩嘅就可以自己分組同相熟嘅朋友一組，唔好彩就要同啲唔識嘅人一齊做，就好大機會會撞到豬隊友啦！今日就同大家分享Group Project豬隊友特徵，分分鐘仲恐怖過Freerider～

---

1.連題目都未明

每個人都會對Project嘅題目有唔同嘅見解，但係有啲人就真係完全誤解咗題目嘅方向！你同佢解釋10次佢都覺得自己先係啱，真係好曬時間！當佢終於明咗，但係隔一陣佢好似又唔記得咁，又要再同佢解釋。。。

 

2.最後先出現

有啲豬隊友就會一開始表現得好積極，尤其分工嘅時候一定第一個出現，然後揀最簡單嗰part做。分完工之後就會消失，連Message都唔睇。到最後交咗先上水講聲辛苦曬～

 

3.隨便做交垃圾

話明Group project就梗係一齊為攞靚Grade齊心合力做。但係就總有一種人就會係隨隨便便求求其其做完就算，要等你嚟執手尾，搞到你要做埋佢嗰份。。。

4.認真做垃圾

「認真做垃圾」真係最難搞，因為你知道佢係真係用心做，但係只不過理解錯題目或者方向，真係唔知嬲定唔嬲好。。。

 

5.Present照讀都唔掂

Present都係一個group project嘅重要一環，通常Present都有限時間，組員都會分好曬時間present。但係總有人係照稿讀都唔掂，口窒窒咁，最後Present超曬時。。。