校園Guide

唔少同學仔在學期間都有開始去做GYM，但鐘意運動嘅你有冇諗過投身運動行業？其實作為健身教練，無論正職或者副業都係一個唔錯嘅選擇，但要做健身教練唔一定要練到自己三頭六臂，仲要有相關嘅教練資格同知識先可以成為一個教練。咁要成為一個PT，要考取咩嘢資格同具備咩條件呢？

 

1.相關專業證書

其實想成為健身教練，唔係識做GYM就做到㗎！如果你想係私人Gym Room開班教人，你可以先到大型健身中心做住初級健身教練，之後再慢慢升上去。想穩陣啲係康文署健身室教班嘅話，你就需要考得相關資格。現時係香港，暫時只有3間機構有開辦相關課程。不過入行教人之前，都會建議可能得返一啲相關嘅課程增值自己，同埋了解多啲身體肌肉嘅運作，咁可以防止學生受傷之餘，仲可以幫學生制定合適嘅教案。

政府認可健身教練課程費用（2023參考）

課程	相關費用	證書有效期
中國香港健美總會：一級健身教練證書課程	學費：$2,640 證書領取費：$300	3年
香港浸會大學持續教育學院 ：體適能導師證書課程	學費：$16,830	永久
中國香港體適能總會：體適能基礎證書課程	課程+筆試 會員：$1,600；非會員：$1,800	永久
亞洲運動及體適能專業學院 (AASFP)｜高級私人體適能教練證書	$16,800 (開課前三星期報名，可減$600)	未註明

健身教練課程太貴？uFinance 提供嘅私人貸款，可以幫你輕鬆解決教練課程學費問題，立即了解更多啦！

2.其他「加分」專業資格

正所謂七分飲食三分運動，除咗健身及運動相關資格，有唔少健身教練仲會讀相關嘅飲食營養課程，為客戶規劃健身和飲食計劃，幫對方達到健康目標。香港大學及其他大專院校均有舉辦一啲同營養學相關嘅課程，課程內容各有不同，其中HKUSpace嘅課程仲會教一啲營養補充劑知識，可以俾大家參考一下！

課程學費太貴？uFinance 提供嘅私人貸款，幫你解決進修基金，立即了解更多啦！

 

3.健身教練人工有幾多？

自從疫情起，Gym呢項運動迅速冒起，健身教練依家已經係好common嘅職業，無論政府及私人Gym room都會大批聘請健身教練。

政府健身教練：

康文處舉辦好多體育課程，例如健身班等等，呢啲興趣班都需要健身教練駐場教學。政府請嘅教練多數係兼職並以時薪計算，一般黎講大約$160/hr，每更做2至3小時左右；如果經驗比較豐富，時薪更加可以達到$318。

私人健身教練：

健身教練平均基本人工約每月$23,000，不過好視乎喺邊間健身中心工作以及個人銷售技巧。一般黎講，如果未做過健身教練，毫無經驗亦都無任何牌照的話，想入行就要靠健身中心，佢地會專門提供好多訓練加強健身教練嘅質素。不過值得留意嘅係，健身中心係十分注重跑數，所以相對已而，雖然收入會相對較高，但同時壓力指數都會較高。若果做到比較高級嘅健身教練，靠口碑一個介紹一個，的確可以好好景。佢地嘅收費大概介乎每個鐘$600至$2,000。