校園Guide

香港夏天嘅濕熱有如蒸爐，唔想用成個鐘化完個妝，等程巴士就溶走咗？學識揀一支抗汗、防水又控油嘅粉底，將會係你呢個夏天嘅首要任務！小編今日詳盡教你點揀一支防水粉底，識得點揀就可以無懼汗水，同陽光玩遊戲岸邊嬉水都不怕溶妝

 

底妝要點揀？

粉底液、粉底霜：控油又防水，玩水必備

想要去海邊玩、游吓水，又想化個淡妝，可以選用粉底液或粉底霜，呢兩種質地嘅粉底會令妝感輕盈且緊密貼合肌膚，既防水又有遮瑕力，而且可以有效咁遮蓋黑斑及雀斑。

需要注意嘅係粉底液同粉底霜比較容易因皮脂過度分泌而甩妝。此外，上底妝時唔係塗得越多越好，塗太厚容易使底妝不均勻，薄薄地塗一層，效果會更佳。

 

粉餅：質地輕盈基本款，返學、出街都啱用

粉餅質地較為清爽、控油，對肌膚嘅負擔相對比較小，不論係返工返工，定平時放假出街都好啱用，推薦敏感肌同學仔可以試吓。但缺點係遮瑕力較弱、防水性亦較低，但即使疊好幾層都不會令底妝睇起嚟好厚重，補妝亦較為方便，直接重新塗抹就得喇，好適合本身無太多印，想均勻返膚色嘅你用。

 

噴霧粉底：輕鬆易用！清涼感觸，夏天必備

噴霧粉底用起上嚟比較涼爽，適合炎熱天氣下使用，除咗臉之外亦可以用喺手腳。由於遮瑕力唔及粉底液高，喜歡自然妝感嘅人可以試吓。

缺點是相較其他底妝產品，噴霧粉底喺攜帶上亦較為唔方便，而且，由於使用時容易噴到衣服，使用時可以噴喺粉撲上或者手上再塗抹，就唔會整到周圍都係。

考量肌膚負擔

粉底越貼合肌膚、越控油，對肌膚造成嘅負擔就越大，若果你有敏感肌膚，小編推薦先從相對溫和嘅粉餅開始嘗試。另外，要卸除服貼嘅妝容，就需要清潔力較強嘅卸妝產品先能夠卸乾淨，可能會對肌膚造成雙重刺激，需要格外留意。

防曬係數高嘅產品亦一樣會對肌膚造成較大負擔，擔心肌膚問題嘅話，可以選擇防曬係數較低嘅底妝產品，小量多次補擦，都可以達到唔錯嘅防曬效果㗎！

平價防水粉底推薦

NO.3 – BOBBI BROWN 2 in 1超防水運動粉底

OBBI BROWN推出嘅呢款液態粉餅，專為做運動而設，上臉後立刻轉化為輕盈嘅柔物粉體，擁有極佳吸油力，抗油同時亦能抗汗，令你就算運動時大汗淋漓，亦能保持完美妝容。

 

NO.2 – M.A.C 超持久無瑕粉餅

用過M.A.C嘅粉底，應該都知道佢哋嘅粉底系列有極好嘅遮瑕度，今次呢隻粉餅保留足夠遮瑕度之餘，仲令肌膚呈現彈潤保濕感，而且提升持久度，令到底妝全日都唔甩！

 

NO.1 – shu uemura植村秀 無極限超時輕粉底

呢隻堪稱「會呼吸的粉底」，專為亞洲人透薄嘅肌膚而設，色嘅更有超過20款，唔怕搵唔到啱自己嘅粉底。有如薄紗輕透質地，即便出油、流汗都能維持8成左右嘅底妝產完整度，推薦易出油嘅同學仔試吓！

 

好嘅肌底先可以創造好嘅妝容，除了妝前保濕外，平時保養亦唔能夠馬虎，去玩記得做足防曬，返嚟都要保濕啊！