校園Guide

身為一個稱職嘅妹豬，日日都有好多煩惱㗎啦～學業、 part-time、dating、朋友，咁多問題真係好難一個人諗得通㗎囉！所以相信唔少人都會好似小編咁，隔一排就去睇吓塔羅牌占卜覆吓診，問問大師點解決呢啲生活疑難雜症，但到底要點問先問得準呢？其實點樣去問都有竅門㗎，我哋一齊睇吓啦！

 

塔羅占卜竅門1. 洗牌

其實洗牌果時最緊要係一邊洗牌，一邊清晰咁諗住想問嘅問題。有啲人會洗牌洗得好刻意，將塔羅牌成副散哂喺枱面上面，又合哂眼咁好似洗麻雀咁洗牌，但其實唔駛咁樣，正正常常舒服咁洗牌就可以。

 

塔羅占卜竅門2. 抽牌

試吓用唔慣常嘅手去抽牌，例如如果你嘅慣用手係右手，咁就試吓用左手抽牌。清牌及抽牌嘅時候都要專注，心無雜念，諗住自己條問題。

 

塔羅占卜正確方法3. 將個人情況、訊息放心內

唔使同塔羅師交代你嘅人生經歷，因為專業嘅塔羅師就算唔知你嘅背景，其實都可以喺牌面上睇到你會遇上嘅情況同背後嘅真相，

3大塔羅占卜禁忌

唔可以喺24小時內重複占卜完全相同嘅問題。

唔可以喺一次洗牌中問多條問題。

塔羅占卜最多只占卜到未來12個月嘅事，絕對問唔到多於12個月嘅事。