校園Guide

有冇覺得一直識人，但係都好似搵唔到一個同channel 嘅人？呢種心情小編好明，以往用喺職場工作上嘅「人格特質測驗」MBTI，原來除咗可以觀察同分析工作模式外，仲可以用喺約會上，去睇對方嘅戀愛風格係點。想知每個MBTI人格喺拍拖時嘅狀態係點？我哋一齊睇落去啦！

第一步先做咗MBTI測試，睇吓自己係邊類人！

測試傳送門：MBTI測試

 

依家我哋睇咗 I仔 嘅 戀愛性格先，

想睇 E 仔性格，可以延伸閱讀以下文章

【戀愛心理學】MBTI 16 型人格 你的戀愛性格是什麼？ （下）

 

ISTJ 調查員：忠誠度高於一切

你對於戀愛嘅要求，係想搵到一個識得珍惜彼此時間，而且能夠對愛情保持忠誠嘅人。對於啲只想玩曖昧Love Game嘅愛情Player，你會直接了當咁拒絕～嚮往穩定感情嘅你，內心非常渴望得到安全感，#承諾 同 #責任 係你喺愛情入面嘅Key Word，當你認定一個人，你就會盡可能去維持一段關係。

 

ISFJ 守衛者：安穩而體貼的愛情

你係一個好鐘意服務其他人嘅人，亦有敏銳嘅觀察力同記性，例如會偷偷地留意對方鐘意嘅嘢同當中嘅小細節，能夠幫對方達成願望，你都會從中得到幸福。你追求一段和諧而且忠實嘅關係，希望彼此都可以專重對方嘅諗法同感受。你唔鐘意遇上衝突，遇上爭論嘅時候你多數會選擇去讓步，同你相處雖然唔會激起太多火花，但能夠感受到一段安穩和諧嘅關係，#體貼 同 #誠實 係你喺愛情入面嘅Key Word，當你投入一段感情你會好樂於去成就對方成為更好嘅人。

INFJ 諮詢師：希望建立深入而有意義的連結

INFJ嘅人喺感情入面都比較小心翼翼，唔會輕易付出，係因為你哋都害怕受到傷害，你哋嘅性格多數安靜內斂、敏感而獨立，對其他人嚟講你通常帶有一啲神秘感。雖然係咁，但其實你暗地裡好關注他人嘅感受，能夠同理及傾聽他人嘅諗法，幫助對方理性地處理複雜嘅情感思緒。一但你決定投入一段關係，你會盡可能地去維繫感情 ，屬於你嘅戀愛Key Word 係 #內斂、#傾聽。

 

INFP 治療者：開放所有可能性

你係一個鐘意體驗新事物，對世界保持住好奇心嘅人，因為咁，你熱愛去識唔同類型嘅朋友同唔同人約會，保持住各種各樣嘅可能性，可能你有各式各樣嘅朋友，所以面對住唔同嘅人你都可以展現出自已嘅社交魅力，同你相處會感到自在而且毫無壓力，而屬於你的戀愛Key Word就係#隨和 及 #溫柔。

 

 

INTJ 原創者：愛情中的完美主義者

你對於感情關係呢件事上面係一個完美主義者，渴望搵到一個喺性格同觀念上都高度符合嘅完美對象。基本上你個性非常獨立，所以如果對方達唔到你心目中嘅要求標準，你寧願單身～寧缺勿濫係你喺愛情上嘅格言，你唔會浪費時間及精神喺一個唔值得嘅人身上。但若然你搵到你想要嘅果一個人，你會變成一個非常忠誠嘅伴侶，因為你知道得來不易。你嘅戀愛Key Word 係 #理性 及 #獨立

 

INTP 架構師：愛是因為可以做我自己

你天生就有獨立自主嘅個性，可以好好享受自己嘅#Me Time，雖然有時唔太鐘意Social 社交，但一旦你遇上同你有相似共同興趣嘅人，你就會好投入喺當中嘅互動同相處之中。你唔係一個超級外貌協會，你比較重視對方嘅生活同品味，愈係能將自己嘅生活過得好好嘅人，就愈係能夠吸引到你。你渴望嘅愛情係可以好好做自己之餘，又能夠兩個人一齊過得豐富又踏實，#充實 及 #深情 係屬於你嘅戀愛Key Word！

 

ISTP 巧匠：在實際裡偷渡一點浪漫

平時你都係一個比較內向及安靜嘅人，但其實內裡你係一個隨性又浪漫嘅人，你唔鐘意啱啱開始一段關係就要約法三章，定立太多嘅承諾，咁唔代表你係一個唔追求安穩嘅人，只係你需要一段比較長嘅時間去觀察及累積信任感。對住有好感嘅人，你願意每天接近多一點點，睇吓有咩有趣嘅花火發生，#隨性 及 #浪漫  係你喺愛情入面嘅Key Word。

 

ISFP 作詞人：我欣賞你只因為你是你

你面對感情嘅時候會出現一個相對成熟嘅態度，你唔鐘意去改變他人，亦識得點發掘對方嘅優點去欣賞對方，同樣地，你都希望對方以一樣嘅方式對待你，一齊去保護對生活嘅理想，當進入一段感情關係，你偏向活在當下，識得享受現況亦都係你最吸引人嘅地方。你具有非常敏銳嘅觀察力，擅於理解身邊人嘅情緒。你嘅愛情Key Word 係 #自由 同 #關懷。