校園Guide

之前上一篇文講到職場工作上嘅「人格特質測驗」MBTI，原來除咗可以觀察同分析工作模式外，仲可以用喺約會上，去睇對方嘅戀愛風格係點。講完I 仔就係時候講下社交能力比較強嘅E 仔啦！想知每個MBTI人格喺拍拖時嘅狀態係點？我哋一齊睇落去啦！

 

第一步先做咗MBTI測試，睇吓自己係邊類人！

測試傳送門：MBTI測試

 

依家我哋睇咗 E仔 嘅 戀愛性格先，

想睇返 I仔 性格？可以延伸閱讀以下文章

【戀愛心理學】MBTI 16 型人格 你的戀愛性格是什麼？ （上）

 

ESTP 推銷員： 想要浪漫想要冒險

對於你嚟講，愛情就係要愛得轟轟烈烈，你經常保持住精力充沛嘅狀態、自發性亦好強，你希望搵到一個想要同你一齊享受生活、去感受世界各種美好事情嘅伴侶。同你出街約會，好少會覺得無聊，你總係可以知道邊度有好玩好食嘅嘢，你亦都樂於去將感官打開，好好咁感受對方身上迷人嘅特質。屬於你嘅戀愛Key Word 就係#冒險、#衝動。

ESFP 表演者：愛我請你支持我

基本上你係個好鐘意出街嘅人，鐘意去認識唔同嘅朋友同唔同人接觸，而且唔按牌理出牌嘅你，成日會帶比人出乎意料之外嘅驚喜。外向嘅你鐘意跟住感覺走，隨性嘅同時你亦可以好敏銳咁察覺到對方嘅情緒，識得喺適當時候哄返對方開心。你最渴望可以係感情關係入面被伴侶欣賞，如果對方無法睇到你最特別嘅地方，會令你覺得好挫敗，屬於你嘅戀愛Key Word 就係#支持 同埋 #享受

 

ENFP 優勝者：希望在你眼裡，我是最好的那個

ENFP係暖男/暖女代表，你係一個好識得回饋嘅人，同你出街嘅時候，你都可以做出啲體貼嘅小舉動。同你相處通常都會感覺到好自然同舒服，你亦好願意為感情而付出，令對方覺得窩心都會令你感到開心。同一時間，你都係個好需要被愛嘅人，希望對方會欣賞同認同自己，屬於你嘅戀愛Key Word 就係#溫暖 同埋 #體諒

 

ENFJ 教師：我看得見你最獨特的一面

你係一個可以比到人溫暖同安全感嘅人。你最好嘅地方係你總係可以發掘到每個人嘅優點，因為咁，作為你嘅另一半都會好感受到被人認同同欣賞嘅感覺，同你一齊可以好輕鬆咁做自己。你亦好識得去鼓舞同聆聽對方，以性格嚟講你絕對係一個搶手貨，但成就他人嘅同時，你都需要諗吓自己本身嘅需求係咩，咁先有段健康嘅關係。屬於你嘅戀愛Key Word 就係 #傾聽 及 #理解

 

ENTP 發明家：想和你一起成長

ENTP類型嘅人往往有好多唔同嘅興趣，亦係一個願意嘗試新事物嘅人，你最理想嘅感情，係希望搵到一齊探索新事物嘅人，彼此互相幫助並共同成長。所以你嘅對象都要跟得上你進步嘅進度，屬於你嘅戀愛Key Word 就係 #新鮮 及 #積極

 

ENTJ 陸軍元帥：尋找一個積極而聰明的伴侶

你係一個對知識充滿渴求嘅人，與此同時，你都希望另一半嘅見識同你差唔多，可以同你暢談人生交換想法，當大家都有好多話題講之不盡嘅時候，你會覺得呢個交流嘅時刻就係感情入面嘅「高光時刻 」，屬於你嘅戀愛Key Word 就係 #智慧 及 #坦率

 

ESTJ 監督者：需要成為主導者

你好注重約會嘅細節，喺感情上面都有一定嘅控制慾，希望自己喺關係入面係話事嘅果一個人。同你比較夾得嚟嘅對象，通常都係個性隨性同願意配合你嘅人，你鐘意條理亦渴望被對方理解，若果係啲重大決定上對方都可以配合你嘅想法，會令你覺得自己更受到重視，並願意為佢付出更多，屬於你嘅戀愛Key Word 就係 #主導 及 #穩定

ESFJ 供給者：我願意為你的快樂而努力

你係一個熱愛付出嘅人，你會因為他人快樂而感到快樂，但你好注重雙向嘅互動，個性敏感嘅你容易感受到對方嘅需求，亦同時希望對方可以給予你多啲關懷同認同，但係你比較難發覺到對方嘅短處，所以喺戀愛關係入面，大多傾向同果啲可以回饋到你感受嘅對象交往。屬於你嘅戀愛Key Word 就係 #觀察 及 #回饋