校園Guide

讀大專之後，presentation係成個大專生涯中不可或缺嘅一部分。無論你讀緊咩科，或多或少都有機會要做Group Project／Present。唔知你又會用咩軟件去做你份簡報呢？其實除咗PPT之外，Canva都係一個熱門用嚟做Presentation嘅工具，而且出面好多公司都會用Canva去做日常簡單嘅宣傳設計。仲未用過？立即睇吓呢個Canva 入門懶人包啦！

 

一開始緊係要注冊咗Canva嘅帳號先啦！除咗一般email註冊，仲可以直接用Gmail account 註冊，非常方便！

 

喺主頁面你就可以揀選你想要嘅格式同Template，除咗PPT 嘅Template外，佢仲有其他格式嘅Template比你揀！

又或者你可以喺左邊嘅主目錄框到揀你想要嘅項目：

首頁：回到首頁
專案：成立專案，可以喺專案入面開唔同類型File，所有所需檔案就一目了然

範本：各種格式嘅Template

品牌園地：可以設置慣常用色/字型及LOGO

應用程式：其他額外Plug in

你亦都可以喺搜索欄上打Keyword，去搵你想要類似嘅Template

好似小編咁打”health”，佢就會出好多唔同類型關於健康嘅Template同圖片供你使用

事不而遲，我哋又㩒去Template睇下有咩Present 用嘅Template可以用啦！

一㩒入Template你就會見到海量預先設計好咗嘅簡報Template可以用，而且上面有唔用嘅Tag，比你邊便地揀選到你最想要嘅Template

揀好咗你想要嘅Template之後就可以加返你啲組員一齊整個簡報～左邊有唔同嘅頁面樣式可以選擇，改嘅邊法都好簡單，就咁upload個File同Drag啲圖入去想要嘅位置就可以啦！而且每頁都有啲小動畫，頁與頁之間亦可以加過場，大家再摸索下啦！

完成哂成份簡報之後，就可以㩒分享下載返你個File，仲可以轉做PDF /PPTX格式啊！

 

睇完呢個懶人包，相信你好快就可以上手，到時就算係功課present 定返工整PPT都難唔到你啦！