校園Guide

隔咗咁耐！！終於可以嚟一次真正嘅Ocamp啦！大家又準備好未呢？咁耐冇玩Ocamp Game，究竟呢排有啲咩近Game可以更快Ice breaking ，喺Ocamp上面玩呢？Ocamp / ReU搞手快啲一齊睇吓啦！

 

1. 名字接龍

呢個遊戲最啱一開始嘅時候用嚟熱身，因為玩家仲還未識對方，所以應該最開始嘅時候先記住大家嘅名，玩多幾次之後就相信會記到大部分人嘅名。對於好似Ocamp呢啲場合而言，能夠最快背熟自己組員嘅名同認識對方，會為跟住落嚟嘅團體遊戲打好基礎。

 

2. 訓民正音

因為呢個集體遊戲嘅玩法係要喺特定時間內唔可以講英文，因為韓國人只能講韓文，於是呢個遊戲就叫《訓民正音》。所以香港人玩呢個嘅時候亦可以為它改個名，玩法則一樣，要喺指定時間唔可以講英文，連英文字母都唔得哦。集體遊戲嘅組員們要隨時提醒自己組員小心踩到陷阱講出英文，所以對於增強團體凝聚力而言非常有幫助！亦可以將呢個遊戲當成附加條件咁加落去其他Game入面，例如可以喺玩緊「麻鷹捉雞仔」 嘅時候，順便加上唔可以講英文呢個規矩，每講一次就少一個組員之類嘅懲罰。喺如此激烈嘅團體遊戲下，相信好多人一激動就會唔小心講咗英文單字呢！

 

3. 圖片大電視

相信大家都知道大電視點玩，圖片大電視就係遊戲題目都以圖片表示，唔提供文字只係提供圖片，所以比提示嘅組員要先得知呢幅圖片嘅答案，再形容正確答案比組員們估，如果搞手喺PPT入面放咗一張冰雪奇緣嘅Elsa圖片，睇到呢張圖片嘅組員要先確定呢張圖片係咩嚟，如果一開始嘅組員覺得係Anna，並且將呢個答案形容俾估嘅組員聽，之後佢哋因為咁而估咗Anna，咁就成隊都錯啦！所以呢個遊戲俾提示嘅組員好緊要。

 

AI讀歌詞

 

雖然個GAME叫AI讀歌詞，但唔一定要有AI先玩得，Hold game MC要用冇任何語調嘅方式讀出一段歌詞，估得出歌名同演唱者就算贏。因為要凝聚大家嘅聽力，將聽到嘅歌詞互相分享分析，便有利成隊估到正確答案。