校園Guide

大學唔似小學中學，每日都有功課要交。大學一個學期每科最多都可能係一兩份Essay，所以有好多時間比你慢慢做。但好多人都有拖延症，通常都會拖到最好一刻先肯做（包括小編都係曾經係一位Deadline Fighter）但係發現如果下下都拖到最後，份Assignment嘅grade永遠都冇提前做嘅好，因為始終你冇認真搵資料，寫嘅內容都真係比較片面。所以今次懶人包就同大家分想3招，教大家唔好再做Deadline Fighter！

---

1.遠離誘惑

首先每個人最大嘅誘惑就應該係手機或者係電腦，通常打開部電腦寫Essay，但係唔知點解打咗一兩個字之後，就會拎起咗部電話撳電話，又或者係電腦打開咗另一個Tab睇YouTube。所以要專心做嘢，就要先遠離誘惑！做嘢嘅時候盡量唔好將電話放係視線範圍內，咁樣就可以減少你拎起佢嘅次數！

2.在你覺得最有效率的時候工作

成日都話「一日之計在於晨，」但係通常大學生多數人都唔鍾意早起，與其逼自己早起做嘢，但係冇氣冇力，咁不如搵下自己一日裏面最精神最有動力嘅時間，一次過做你要做嘅事！例如食完Lunch呢啲時間就盡量唔好做嘢住，「飯氣攻心」嘅你一定冇動力做任何事，與其hea住做，不如訓半個鐘，儲足精神再做！

3.動機是關鍵

最後，冇目標點會有動力去做呢？所以set一啲目標比自己，例如幾日後要去睇演唱會，咁你咪可以set嘅目標，就係去演唱會之前要完成所有Assignment，咁你咪可以安心地去睇，唔洗睇完演唱會之後都要返屋企趕Assignment。