校園Guide

2023年set嘅目標有成功完成到嗎？嚟到2024年，你又set左目標未？定係已經放棄咗人生了？其實set目標唔難，難嘅係可唔可以完成到，因為「齋講唔做」或「遲啲先啦」呢啲全部都係拖延症患者嘅特徴！今次懶人包就教大家3招對付拖延症，幫大家同拖延症講byebye！

 

1.將目標分成小目標

當你set目標嘅時候，總有一啲目標係比較大，唔係一時三刻可以完成到。正正就係因為好難完成，先會令到你一拖再拖。要解決呢個問題，就要將大目標分成不同嘅小目標，令自己容易啲去做，逐個小目標擊破。而且當你完成某樣嘢嘅時候，成功感高咗，自然會有動力去繼續去完成下一個。

 

2.建立儀式感

有研究講過返工著西裝，工作效率會提高三成。又或者每朝飲一杯咖啡係走唔甩，然後先可以開始做嘢。另外環境對一個人的影響都係非常大，有啲人Work From Home嘅效率係會低好多，自然就會拖延工作，一定要係office現有動力工作。要擺脫拖延症，就要知道有咩因素影響自己，例如係屋企做唔到嘢，咪出去cafe買杯咖啡，然後係cafe做功課/工作。

 

3.設定先後次序

令你拖延嘅原因大機會都係因為該目標太大或者太難。所以上面提及到分成小目標之外，亦都可以將目標按重要性/時間性牌排先次序，重要或者比較趕嘅事就優先完成咗先啦。