【2024星座運程搶先睇】雙子座愛情運最好？獅子座唔再黑仔？
踏入2024年新年新開始，唔知大家今年有咩目標呢？想今年行得順啲？想避開所有危險位？想有情人終成眷屬？咁一定要睇曬全文啦！我地會同大家一一分析每個星座嘅運程，希望大家都可以順順利利度過新一年啦。
白羊座（03／21 ~ 04／20）
2024年白羊座將會係活躍嘅一年，身邊都不乏好多全新嘅機會，嘗試展現你爽快嘅一面，令人留下深刻嘅印象啦！不過白羊座朋友仔今年將會遇到特別多嘅壓力，所以都記住多花啲心思照顧自己嘅身體，唔好忽視身體帶比你嘅警示呀。
金牛座（04／21 ~ 05／21）
金牛座朋友仔由上年年中開始都開始重視自己嘅心理健康，所以今年嘅課題都會係面對自己嘅內心，由心出發。雖然2024年生活上會遇到唔少嘅波折，但就會因為呢啲經歷而令你將來嘅計劃變得更明確同清晰，所以勇敢啲去面對就可以架啦！
雙子座（05／22 ~ 06／21）
2024年雙子座嘅愛情運會係咁多星座入面最好嘅，不過可能會唔知點揀好，所以大家記得要相信自己直覺啦！另外今年你哋會比以前多好多機會發揮，而且回報都唔錯架，所以好好把握今年嘅發展啦！
巨蟹座（06／22 ~ 07／22）
2024年將會係巨蟹座充滿波折嘅一年，成日係內心會有小劇場嘅你記住唔好諗太多啦，相信自己嘅直覺行落去啦，你會係呢一年急速成長。至於愛情運方面，你將有機會遇上前所未有嘅感受，就算最終結果係點，都要記住愛一個上一課啦。
獅子座（07／23 ~ 08／23）
2024年獅子座將會遇到新嘅機會，記住相信自己唔好錯過大好嘅機會啦。不過今年記住要避免衝動消費，或者胡亂投資，萬事切忌量力而為呀！
處女座（08／24 ~ 09／23）
2024年處女座都係需要等待嘅一年，繼續摸索自己嘅方向，所以記住唔好心急，唔好成日同人比較啦！雖然今年會有少少唔耐煩同懷疑自己，但唔好因為呢啲情緒影響自己心理健康，人冇事先做到世界冠軍架嘛！
天秤座（09／24 ~ 10／23）
2023年嘅天秤座都算過得幾好，放心啦 2024年嘅運程都會延續落去！另外單身嘅朋友記得係今年夏天要把握機會外遊一下，有機會係異地認識到合適嘅另一半架！
天蠍座（10／24 ~ 11／22）
對於天蠍座嚟講，2024年將會係充滿變化嘅一年，所以要有定心理準備今年都幾chur架，但唔付出點會有回報呢？不過今年感情運就未必咁順利，你嘅諗法會同身邊人有分歧，至於堅唔堅持就你自己衡量啦！
射手座（11／23 ~ 12／21）
2024年將會係人馬座發掘潛力嘅一年，試下擴闊自己嘅圈子social下，你會得到唔少嘅機會架！如果你係單身嘅話，下半年將會係你穩定落嚟嘅好時機，所以試下出席唔同gathering去識下新對象啦！
山羊座（12／22 ~ 01／20）
山羊座嘅朋友今年將會告別身邊唔適合自己嘅人同事，所以要有重新出發嘅決心！不過記住要慎言，善用語言藝術同人溝通會為你得到好多機會，例如愛情運！
水瓶座（01／21 ~ 02／19）
水瓶座今年最重要課題係點樣保持身體健康，雖然會有唔少機會發揮潛能，但無一個健康嘅身體又點樣把握機會呢？另外要好好留意自己嘅消費模式，雖然你唔係成日fing錢，但一次半次可能都會令你嘅積蓄燒得7788。
雙魚座（02／20 ~ 03／20）
今年雙魚座運勢都算唔錯，會有機會係圈子入面突圍而出！不過愛情運就未必咁出色，但係唔緊要，試下留意多啲身邊人，話唔定會發掘到唔錯嘅對象之後發展架！
- 滿足不同經濟需要：交學費、交Hall Fee、還卡數、買電腦、學車、創業
- 任何本地大專院校學生均可申請
- 申請只需2份文件（學生證+身份證），毋需收入證明
- 月平息一律低至 0.84%*
- 最快即日批核
- 全程網上申請貸款及確認過數
- 隨時提早還款，0手續費0罰息
大專生很多時候急需資金周轉交學費，但政府學資處的貸款計劃又未能及時批核。因此，uFinance 根據過往同學們的良好還款紀錄，不斷簡化申請程序，申請只需「學生證+身份證」，申請成功率高達95%，全程網上快捷辦妥，貼合同學需要。
