校園Guide

想2024年過得充實，除咗學一啲新技能外，都可以學一個新語言架！其實想學語言唔一定要出去上堂，可以係屋企睇下唔同教學影片同網站打好個底先。有咗簡單嘅概念，再不斷慢慢鑽研效果就會事半功倍！小編今日同大家推介一下3個關於學「語言」高質嘅自學網站，有興趣嘅話就記得bookmark定啦！

1）井上一宏

近年最多人想學嘅語言當然唔少得日文、韓文啦，無論煲劇定係去旅行都好容易接觸到呢兩個語言～想學日文嘅推薦大家去井上一宏嘅Youtube頻道，佢嘅教學非常詳細，條條片都過1hr，「真」日文堂～

2）Duolingo

Duolingo係美國嘅一個語言學習網站，佢哋嘅課程涵蓋過百種語言，而亦可以免費係網上同app上！另外Duolingo嘅課程都會包括好多唔同類型嘅小遊戲，等大家係學語言時增加趣味，令大家易啲記入腦之餘，又唔會咁易半途而廢啦！

3）LingoHut

想用返傳統少少嘅方法學語言，例如透過Reading同Listening的話，可以考慮下用LingoHut！LingoHut嘅課程將會分為唔同級別，提供不同程度嘅會話字句比大家學返，配合埋示範嘅聲帶等大家容易加深印象。