校園Guide

想2024年成為一個Better Me，除咗之前講過學電腦程式同語言外，仲有好多技能都可以自學架！小編今日同大家推介一下3個唔同類型嘅高質自學網站，等你可以突破自己之餘，分分鐘仲可以搵到你嘅潛在技能架！

1）Guitarians

成日見到人busking，係唔係都想學下唔同樂器等個人睇落charm啲呢？不如試下自學吉他啦！不過學吉他最愁就係搵唔到Chord譜，就算識曬啲chord都彈唔到自己鍾意嘅歌～ Guitarians就幫到你啦，入面有大量新歌、舊歌嘅譜，例如MC嘅記憶棉、周董嘅告白氣球、五堅情嘅零距離等等都喺齊入面，依家無藉口放棄自學啦？佢地仲有app版架，down埋落黎就最方便啦！

 

2）織女彤彤weavertungtung

除咗樂器之外，好多人都會想學整一啲小手作。唔單止可以整成禮物送比朋友，如果有天份嘅話仲可能可以發展成一門事業。今次我哋介紹嘅YouTube Channel係專教編織嘅。有別於其他Channel，佢哋提供好多比初學者學嘅小技巧，透過影片同埋口述去簡單介紹每個步驟，就連手殘嘅小編都可以輕鬆學得識。如果想學識整一啲低成本高水準嘅手作就唔好錯過啦！

 

3）Coursera

諗諗吓好似想學返啲對自己CV有幫助嘅嘢，咁不如去嘅線上課程平台Coursera上下唔同課程啦！Coursea會同知名大學、企業合作，推出過千種不同嘅課程，包含專業證書課程、大學學位課程、其他類型課程等等，而且認受性都好高。報讀佢哋課程之前可以免費試堂，之後覺得啱心水先比錢讀拎返張證書。如果純粹想上堂增值自己，亦可以搵返提供嘅免費課程自行收看。