校園Guide

農曆新年禁忌多，呢樣唔做得，嗰樣又唔做得，做咗會行衰運！但係你又知唔知點解會有呢啲新年禁忌？今次懶人包就同大家分享5個新年禁忌，等大家新年個時候唔好做錯，「寧願可信其有，不可信其無」啊！

 

1.新年唔好買鞋

因為「鞋」同「唉」讀音相似，新年應該係要充滿活力，新年先買鞋就等於新一年就唉聲歎氣，咁嚟緊呢年就歎氣咁過。所以要買新鞋最好就過年前買定，然後過年著。

 

2.唔好著黑白色衫 

黑色同白色與喪服顏色一樣，有唔吉利嘅意思。係過年期間最好著紅色等比較鮮艷的衣服，望落都精神啲啦！

 

3.唔好買黃色衫/內衣

新年要著新衫已經係定律，但買新衫嘅時候就唔好買黃色啦，因為黃色會令神明忌諱，尤其係黃色內衣就更加唔好。所以新年買新衫最好就唔好買黃色。

 

4.初三、初七不宜拜年 

初三又叫赤口/赤狗日。赤狗係「熛怒之神」，遇到佢會有凶事，所以赤口不宜外出/拜年。 初七係人日，每個人的生日。呢日諸事不宜，大家應留係家裡休息。

 

5.唔好講負面字/說話

新年係喜慶嘅日子，盡量都唔好講啲唔吉利嘅說話，例如「死」、「輸」、「衰」等等嘅負面字。