校園Guide

又到Sembreak緊係要去旅行獎勵自己認真讀書咗一年啦！不過去旅行人生路不熟，唔想比語言同交通破壞旅遊行程同心情，其實有D APPs 可以幫助到係去玩嘅時候更方便㗎！依家同你盤點一下以下幾個係泰國／台灣／日本旅行必定要download嘅Apps啦！

泰國

泰國呢幾年多咗好多打卡Cafe同文創時尚品牌，除咗多咗嘢買買買外，最啱去一路享受按摩再一路飲杯凍冰冰嘅泰奶。不過泰國當地除咗曼谷之外，其他地方都未算100%遊客friendly。想去泰國舒舒服服唔踩雷就一定要download定以下app啦！

1. Grab

平時去旅行大家都鍾意用Uber ，但原來係泰國旅行反而比較興用呢個有「東南亞版Uber」之稱的Grab，Grab係泰國最大型嘅call車平台，無論曼谷、芭堤雅、布吉島、清邁等地都用到，特別之處係除咗私家車而外，仲可以揀埋電單車。付款方式亦不規限於信用卡，可透過現金支付車資。

Grab提供幾款不同嘅車款，倒如GrabCar為一口價叫車，乘客清楚知道全程車費，不怕司機繞路；GrabCar Plus或GrabXL提供較豪華房車，車費亦相對貴啲。若想call一般的士，都可以選擇GrabTaxi以跳錶計算，但遇上塞車時段車費就會比預計貴啦。

 

2. Transit TH

去泰國曼谷旅行，最常用嘅交通工具，就當然係BTS架空列車，但BTS嘅泰文站名同路線成日睇到人眼都暈埋！面呢個交通路線規劃App Transit TH幫到你，介面設計易用清晰，只要輸入起點站及終點，就可以清楚例明地鐵或巴士嘅票價、乘坐所需時間、等待時間等實用資訊，出門一家要down呢個App旁身。

台灣

每過一段時間就會好掛住台灣嘅牛肉麵同芒果冰等等，去台灣旅遊其實同喺香港差唔多，溝通上都冇太大嘅問題，即使你用唔咸唔淡嘅普通話對答，台灣人都聽得明。不過始終都係外地，想去旅行時輕鬆方便的話，咁有冇啲咩App 可以用呢？

1. OpenRice

拿！唔好嬲先，OpenRice除咗係香港用到，但其實係外地都可以用到架！係台灣version嘅OpenRice，除咗可以睇到唔同餐廳資料、評價之外，仲可以好似係香港訂餐廳咁聽到台灣嘅餐廳，唔駛自己下下line佢哋訂位咁麻煩啦！同埋偷偷同大家講，台灣version嘅OpenRice啲食評都幾仔細，小編覺得都算有參考價值架！

 

2. Line Taxi

好多人去台灣旅行都鍾意搭的士，價錢比較平之餘又減少搭捷運要轉線嘅問題，但有時係街到call車都幾難。除咗用Uber 外，大家都可以用LINE TAXI去call車，而且唔需要特別download另一個app，亦可以直接用Line Pay比錢！LINE TAXI 其中一個最特別嘅功能係T Reward，可以累積T里程，每次使用 LINE TAXI 叫車並完成車資付款，即可累積一趟，姐係愈搭得多就可以平住搭，下次去台灣都不妨試吓啦！

日本

依家有得飛梗係要飛去日本先啦！！雖然網上已經有好多介紹日本旅行嘅post／片，但去到外地都會有好多突發嘢發生，所以等小編介紹2個必用嘅app等你可以安心去旅行啦！

1. VoiceTra

VoiceTra係一款主打語音翻譯嘅應用程式，Apple Store評分高達4.6分，亦支持超過30個語種，包括日語、英語、繁體中文、韓語、泰語等。

只需選擇所需語言，然後按下畫面中央嘅咪高峰標誌並靠近講嘢就可以翻釋到對話啦！不過要留意，目前系統提供繁體中文版本，需要以書面語中文輸入語音內容，如「洗手間在哪裡？」、「這個多少錢？」等，系統就會翻譯出對應日文。撇開語言限制，系統嘅問語音輸入相當靈活，而且準確度亦頗高，不過就唔可以翻譯過長嘅句子，使用時要留意啦。

 

2. 乗換案内 NAVITIME

去日本旅行多數都係會坐鐵路，但因為佢哋都有分好多唔同路線，有時真係睇到頭都暈埋，而用Google map嘅話一miss咗班又要再搵過另一條就好煩。如果想舒舒服服咁plan定行程嘅話，一定要download「乗換案内 NAVITIME」啦！呢個app提供JR、私人鐵路、地鐵等其他鐵路嘅路線資訊，旅客只需要輸入出發車站同目的地車站嘅名，就可以search到乘車路線、交通時間同車費資料。旅客更可以係推薦路線、最短路線、最便宜路線、轉乘次數之間，揀最適合自己嘅行程路線！不過用個陣記得記得記得打開定位功能，咁你就可以搵到自己位置啦！