校園Guide

有無人身邊有「戀愛腦」嘅朋友？一拍拖就唔見人，然後自帶濾鏡覺得另一半係最好。就算語重心長同佢講你另一半好似有啲「渣」要小心，都係唔會聽入腦之餘，仲覺得你係陷害佢？原來「戀愛腦」都係有路捉，如果你／你老best係以下5個星座就真係要小心陷入「愛情陷阱」啦！

 

戀愛腦第五名：獅子座

獅子座嘅戀愛腦表現係佢哋唔會聽身邊嘅人勸告，明明大家都係為佢好，但佢哋就會一味覺得自己對象好好，幫自己對象講好説話，即使「外間很多反對我愛你的聲音」都唔會理，所以會搞到身邊嘅朋友對佢哋死心。是旦啦！你喜啦！

 

戀愛腦第四名：摩羯座

摩羯座一向比人嘅形象係沉穩同被動，但拍拖之後摩羯座嘅世界只會得返另一半。就算另一半有好多缺點，佢都會無限包容同維護，「聖母式」戀愛就非摩羯座莫屬啦。

 

戀愛腦第三名：天秤座

天秤座嘅戀愛腦行為多數都會係「物質化」，即係會係咁忍唔住買嘢比另一半，錢對佢哋嚟講都係濕濕碎，另一半先係最緊要。另外，因為天秤座天生都有「選擇困難症」，所以拍拖個陣特別容易比另一半左右佢哋嘅決定，到最後屈就咗自己都唔發覺。

 

戀愛腦第二名：白羊座

白羊座係典型嘅戀愛腦。佢哋天生衝動，所以遇到心儀對象就會奮不顧身向前衝。到真係拍拖個陣，可以比荷爾蒙影響做出好多唔理智嘅行為，失去自我，所以好多時身邊嘅白羊座朋友一拍拖就會變另一個人。

 

戀愛腦第一名：巨蟹座

巨蟹座天生比較敏感，所以拍拖個陣情緒完全會被對方影響，變到冇晒理智失去自我，咁樣嘅行為除咗會搞到自己辛苦，亦可以俾對方壓力。