火象星座：白羊座、獅子座及人馬座

火象星座嘅人通常比人感覺係個性較衝動、熱情、有話直說、做事積極，行動力強，因此經常都會成為團體中嘅隊長或領導。火象星座嘅人對於自己設定嘅目標都充滿信心或鬥志。因為咁樣嘅性格，所以佢哋只要愛上一個人就會全力以赴，但有時都會比人覺得好強勢，「霸道」式戀愛嘅感覺。

土象星座：金牛座、處女座及山羊座

一般嚟講，土象星座嘅人個性會比較務實、穩健、謹慎，所以處事個陣都會深入分析利弊得失後，先會下定決心。加上土象星座嘅人都會追求安穩嘅生活，所以係完成定下嘅目標時都會一步一步按部就班。係拍拖嘅時候，好多時大家都會覺得土象星座嘅情人好悶，因為佢哋追求生活安穩，冇乜大起大跌就已經好幸福。