校園Guide

「分手後仲可唔可以做朋友」呢個經常性會出現嘅問題，其實冇一個標準答案。分手後做朋友可能會導致好多負面嘅情感，例如更強烈的嫉妒、喪失等。但當然，分手後做朋友都可以帶比人更平穩嘅情緒狀態，所以真係好睇雙方係如何分手的。今日就同大家分享幾個分手後不適合做朋友的情況。

1.用「友情」嚟做藉口

雙方雖然表面上話「做返朋友」，但其實你地嘅關係嘅本質都唔係一段友情應該要有嘅狀態。大家都只係用「友情」嚟作為藉口去滿足自己的需求。咁樣嘅話呢段「友情」多數都係有毒嘅！例如大家話做朋友，實質就係當對方水泡。又或者係其中一方係唔想分手嘅，覺得唔甘心，而且係希望可以復合，所以就選擇做朋友去保留呢段關係。一段咁樣嘅友情通常會又一方不斷嘗試突破友情嘅邊界，例如又超越朋友嘅身體接觸、或者做一啲情侶時期的習慣、或者經常搵機會復合等等，咁樣真係好咩？

 

2.呢段「友情」帶比你傷心的情緒

當你選擇同前任做朋友，但係喺呢段「友情」入面，你係傷心多過快樂嘅話，咁呢段感情帶比你嘅係壞影響，如果咁樣你都繼續會維持你地嘅關係，就並唔係一個好嘅選擇。例如同對方見面嘅時候係會不斷令你諗起以前傷心嘅往事，或者對方過得比你好嘅時候，你會發現自己好唔甘心、嫉妒等情緒出現嘅時候，呢段「友情」就更加唔應該keep落去！

 

3.呢段「友情」阻礙大家發展新關係

有時候我地會用「友情」嘅關係去避免面對痛苦，但係咁樣做嘅同時會扼殺咗發展新關係嘅可能性。但你已經從你嘅前度身上搵到安全感，你就會自覺不需要新嘅關係，同時你亦都會理想化咗同前任嘅關係。你會不斷攞前度同新出現嘅人比較，永遠都覺得好似唔夠前任好，但你都未真正了解新出現嘅人就已經放棄，完全扼殺咗發展新關係嘅可能性。咁樣對你一啲好處都冇啊！

 

所以分手後應唔應該同前任做朋友，真係好睇前任對你的影響。如果你前任做朋友會有以上嘅情況出現，就真係唔係好建議你繼續挽留呢段「友情」。但相反，你可以好舒服，同前任咗朋友完全冇為你帶來負面嘅影響，咁做朋友都唔係啲咩問題～