校園Guide

有好多人都會話：「其實我條件都唔係好差姐，點解成日都出唔到Pool呢？有唔係冇人溝…」其實有唔係個天唔比你出pool，而係你做錯做某啲事嚇走你心儀嘅對象！今日「戀來戀去」就同大家分享3個令你長期單身個原因，等你知道你錯係邊個位！話唔定下次就可以順利出Pool呢～

1.話自己異性緣好

想令到對方呷醋，就知道對方鐘唔鍾意自己，於是想對方展示自己好有異性緣，等佢呷醋？NoNoNo！！！你咁講只會將對方越推越遠！其實當對方聽到你異性緣好嘅時候，心入面只會有兩個諗法；「佢咁多人追，幾時先輪到我啊～都係算啦！」或者「佢有咁多異性仲對我咁好，佢係當我兵定真係鍾意我㗎？」你可以睇到其實咁樣做完全冇令佢呷醋，只會令佢想放棄，鍾意你都變唔鍾意啦！你又少做個出Pool嘅機會啦！

 

2. 太Chur

未拍拖就先管住人，人地遲少少先覆你個Message你就奪命追魂message人，唔比你嚇走就奇！咁樣會令到對方好大壓力，對方會覺得我都未同你一齊，你都咁chur，一齊之後咪死得？其實都知道呢個行為係出於緊張對方，但有時曖昧就係要留有一啲空間比雙方，咁樣先可以維持到大家嘅關係㗎！

 

3.過分地欲擒故縱

欲擒故縱呢家嘢就大家都試過，尤其曖昧嘅時候，可以令對方更加掛住你！不過過分地欲擒故縱隨時會破壞你出Pool嘅機會！比如人地想約你出街，你明明見到嘅message，諗住欲擒故縱以下，拖一拖先覆人，拖下拖下人人地會以為你成日咁耐唔覆，應該對佢冇乜意思，結果對方又係走咗去～「欲擒故縱」唔係唔work，但係唔可以濫用囉！