校園Guide

各位freshman／有hall offer嘅寶寶依家都應該搬緊啲嘢入hall，但係係唔係完全settle好晒呢？根據小編嘅經驗，就算執好曬之後，住咗幾日你就會發現仲有好多嘢要添置。今日小編就為各位住hall嘅同學推介5件一定要準備嘅恩物啦！

 

1.小夜燈（或可調校光暗嘅燈）

住hall通常都係2人一間房，有時roommate訓咗唔想開房燈，但自己又未訓住，呢個時候小夜燈就派上用場！小夜燈開咗唔會太光影響到roommate，但你又可以唔會太黑睇唔到。又或者你想營造下氣氛，都可以買一盞小夜燈放係hall！

 

2.香薰座

雖然依家好多學校都有新嘅宿舍，但如果住啲比較舊嘅宿舍，啲房就有可能有陣霉霉地嘅味，呢個時候就好需要香薰座！小編之前就係住一啲比較舊嘅宿舍，第一日去到間房就聞到少少霉霉地嘅味，就知道要快啲買香薰座僻走陣味。不過就算住啲新嘅宿舍，都建議買返個用㗎！有時係房食完宵夜，都唔想間房充滿野食味，用香薰座就成間房都香噴噴啦！

 

3.BB墊

有時宿舍地板就算抹過都可能會覺得污糟，但係冇理由成日係間房著住鞋走嚟走去，所以係房入面鋪一啲bb墊，咁就有個乾淨嘅地面，唔洗著住鞋周圍走，有時想坐喺地下同roommate談下心又得，得咗!

 

4.床上電腦枱

呢個重要啦！宿舍唯一一張枱就係你張書枱，但係冇理由有時想chill下睇下Netflix嘅時候都坐喺張咁硬嘅凳對住書怡睇，成件事一啲都唔chill囉！但係有張床上電腦枱，就可以坐係床上面舒舒服服咁煲劇，你話chill唔chill先！

 

5.迷你煮食鍋

住hall有時都會想簡單煮個麵，淥個餃子食，迷你煮食鍋就啱啦，又唔洗買咁大個煲！呢啲煮食鍋會連埋發熱線，煮完即刻係個鍋到食埋，啱曬啲懶人唔想洗多個碗，又唔洗同人爭爐頭！?