校園Guide

新學期新開始！決心想今個sem過3爆4，除咗唔走堂jot好notes外，搵啱適合自己嘅讀書方法都好重要架！想事半功倍佛系溫書都可以輕鬆靚grade？不如根據一下自己嘅MBTI搵出最啱你嘅讀書技巧啦！今次先講下N型人先，如果你係S型人的話，就唔好錯過下一篇啦！

 

NJ – 過濾型方式

（INTJ、INFJ、ENTJ、ENFJ）

如果你係NJ型人格的話，最適合用過濾型方式去學習。過濾型方式即係指係吸收知識或溫習嘅時候，先透過自己嘅分析及組織能力，去將資訊分類同排Priority，之後再集中去溫習關鍵內容，再慢慢去run through無咁重要嘅信息就可以。NJ性格嘅人比較擅長set目標／Plan，所以係上堂前預先將內容screen一次，等自己有基本概念，到上堂嘅時候jot notes就會更得心應手。

 

NP – 連結型方式

（INTP、INFP、ENTP、ENFP）

如果你係NP型人格的話，最適合用連結型方式去學習。連結型方式即係指係吸收單一概念嘅時候，想像出無限嘅例子，從而更了解該概念。NP性格嘅人聯想能力同創造力都比較豐富，所以係學習嘅過程裡面如果善用自己嘅優勢，同埋透過畫”mindmap”等圖案去將概念延伸的話，會更加容易去加強記憶！