校園Guide

話咁快又完Sem要考final啦！今個sem有好幾科有final exam，準備嘅時間好似唔係幾夠咁。想喺有限嘅時間集中到精神同提升溫書效率的話，不妨參考吓以下3個專注力提升大法啦！

 

1. 創造理想嘅溫習環境

一個安靜同埋舒服嘅學習環境對於集中精神嚟講好重要！同學應該選擇一個適合自己嘅學習場所，無論係圖書館、咖啡廳定係hall好，揀一個自己最舒服嘅環境，等自己可以快啲進入狀態。另外，仲要確保溫書嘅地方無太多嘅嘢distract自己，例如熄咗手機通知、同埋必要時就擺開電話，避免social media嘅誘惑。如果你係一個好容易同人傾計而分心的話，就最好忍住唔好同班frd一齊溫書啦！

 

2. 制定溫習計劃

以為淨係考DSE先要寫溫習計劃？錯啦！其實溫final都需要預先plan定時間分配。主要原因係因為短短幾週內要考幾科final，如果唔預先計劃的話，好易去到考前一晚先發覺「瀨嘢」完全唔夠時間。不過溫習計劃又唔使寫得好複雜，只要list返每日可以溫習嘅時間，每一科有幾多chapter或者重點要溫，之後預先分配定的話，到考試前就唔會太過panic啦！

 

3. 定期休息

長時間溫習好容易導致專注力下降，到時就得不償失。定期休息係保持專注力高嘅關鍵嚟！同學可以採用「番茄工作法」，即每溫習25分鐘後休息5分鐘，咁樣就可以確保到學習效率唔會下降。此外，適當嘅運動都可以幫助釋放壓力，提升專注力。無論係簡單嘅伸展運動，還是散下步，都係不錯嘅選擇。