校園Guide

一年一度嘅聖誕狂歡節黎啦！見到身邊個個去晒旅行自己留係香港有啲sad?其實又唔駛咁頹嘅，香港都有好多值得去嘅打卡點！今次等小編大家搜羅幾個香港最有特色同唔伏嘅好去處，等你哋留係香港都過到一個冬日聖誕啦！

 

(1) 西九文化區藝術公園 逾20米 「巨型聖誕樹」

想過一個冬日聖誕少不免要有棵巨型聖誕樹係室外打卡啦！今年西九文化區藝術公園海濱草坪上將會有棵高20 米、相等於 6 層樓高嘅「巨型聖誕樹」比你同另一半打卡！另外展區內會有多個巨型打卡位、3D立體投影，同埋唔同聖誕特色嘅裝飾。除此之外，今年西九12月12日起在西九藝術公園海濱草坪東面及M+對出海濱平臺有超過30個特色攤位，等你可以邊行邊打卡！

日期：2024年11月22日至2025年1月1日

地點：西九文化區藝術公園海濱草坪西面

 

(2)赤柱廣場「魔幻聖誕盛會」

（相片來源：Klook）

除咗上面介紹嘅西九「巨型聖誕樹」外，其實今年赤柱廣場都有好多特色燈飾同擺設，令你可以好似去咗歐洲過聖誕咁！赤柱廣場將於12月14至15日、21至26日舉辦「魔幻聖誕盛會」嘅聖誕活動，並以黑金色為主題！除咗有逾4米高嘅星光閃爍聖誕樹外，廣場內及美利樓三個樓層會有超過120個攤檔售賣文創產品、手工藝品、聖誕主題特色美食等！唔想諗聖誕假期去邊的話，不如入下赤柱喇！

日期：2024 年 12 月 14 至 15 日、21 至 26 日
地點：赤柱廣場天幕廣場、公共空間及美利樓

 

(3) 中環海濱AIA嘉年華

一年一度嘅AIA嘉年華將會係12月20日至明年2月16日回歸中環海濱啦！今次嘉年華將會有28款機動遊戲同攤位遊戲，而且將有兩個全新緊張刺激嘅機動遊戲於香港首度登場！門票價錢由$95-110，唔想下下去主題樂園咁貴的話，去AIA都係一個唔錯嘅選擇。

日期：12月20日至2025年2月16日

地點：中環龍和道9號 中環海濱活動空間