校園Guide

話咁快又2025年啦！上年好似渾渾噩噩咁過，今年唔想重蹈覆轍的話，不如由年頭嘅今日開始set新目標啦！想強身強心咁渡過呢一年，不妨養成以下是三個新習慣啦！

 

1. 定期運動

上年summer前join咗Gym之後，去過gymroom幾多次呢？成日見到人哋show腹肌自己又好羨慕，不如的起心肝做下運動啦！大專生其實去上好多運動course都有折，想做gym但唔想簽約可以去學校／康文署gymroom唔一定join gym。咁多機會同資源比你用就唔好搵籍口，不如今年定個目標比自己，例如一星期至少運動3日，或者一個月至少同friend打一次波／行一次山之類。只要有強勁嘅體魄，就唔驚再病啦今年！

 

2. 時間管理

讀大專好似睇落時間好鬆動，reg到好timetable就好多dayoff可以chill住過，但又無發覺永遠啲task到deadline都做唔完，或者返part time／intern個陣突然發覺好似時間唔夠用。新一年不如試下養成新習慣，迫自己做好time management。試下多啲用calendar／task list 去制定自己每日／每週嘅計劃，提早plan定自己嘅schedule，咁就自然可以提升效率啦！

 

3. 學習新技能

成日好羨慕其他人好似好多skill，自己除咗食玩瞓就無嘢識，咁不如新一年試下學一啲新技能啦！新技能唔一定係關CV／讀書事，只要自己有興趣的話，都係一個好技能。學新技能可以令自己個人無咁頹，仲有機會識唔同人去擴闊圈子。就算係學韓文／剪片／調香etc，都係唔錯嘅選擇架！