校園Guide

成日聽人講「犯太歲」，究竟咩係「犯太歲」呢？係中國傳統文化入面，總共有60位「太歲星君」會輪流當值掌管每一年嘅運勢，而「犯太歲」就係指某幾個生肖同嗰年當值嘅「太歲星君」唔夾，例如相沖、相克或相害，從而會影響到嗰年嘅運勢。如果咁啱你個年係「犯太歲」的話，有機會係健康／財運／事業有危機，所以好多人都會係年初就會搵方法去化解。如果你係屬蛇／虎／猴／豬，就繼續睇埋落去啦！

 

2025犯太歲生肖

蛇｜犯太歲
雖然今年係蛇年，但屬蛇嘅朋友係本命年係“值太歲”，代表今年運勢相對唔穩定，特別容易係健康、財運、事業等方面遇到波動。

建議：行事要格外謹慎，避免大幅變動，總之穩中求勝就好。健康方面特別注意心腦血管和肝膽問題，並養成良好生活習慣。雖然偶爾會有運勢不順嘅情況，但記住要時刻保持冷靜，避免輕舉妄動。

 

虎｜刑太歲
屬虎嘅朋友今年同蛇年太歲相刑，所以係“刑太歲”。今年容易同其他人不和，亦都會有一啲隱藏的壓力或阻力，運勢波動比較大。

建議：今年盡量避免與他人爭執，特別係言語上要特別小心，以免一時口快惹禍。另外記住行事謹慎，避免激進的決定。

 

猴｜害太歲
屬猴嘅朋友今年同蛇年太歲相害，所以係“害太歲”，通常係指會遇到好多小人、或者人際關係不和。雖然相對上影響比較少，但都要加倍小心。

建議：因為今年容易遭遇誤會或因疏忽導致損失，所以需要多加注意周圍人際關係，或環境變化。注意與人相處的分寸，遠離口舌之爭，或避免參與複雜的人際圈。

 

豬｜沖太歲
屬豬嘅朋友今年同蛇年太歲相害，所以係“沖太歲”，屬於五種犯太歲中影響最大嘅一種，象徵變動同動盪。今年可能遇到較大嘅生活變化，例如搬遷、出行、事業調整，甚至人際關係中嘅變化。

建議：今年建議主動迎接變化，避免與他人爭執，凡事以和為貴。另外盡量避免做重大決策，例如投資、創業等。同埋可以多參加慈善活動，行善積德，增添福氣。