【2025情人節好去處】仲未諗情人節去邊？推介3個特別又打卡able嘅地方
原來下星期就係情人節啦！想情人節想避開人潮咁過2人世界，但又無Idea？等小編為你推薦呢3個地方，等大家可以過一個獨特難忘嘅214啦！不過如果有興趣嘅朋友仔要快啲book位／買飛啦！
Bun’s 2020
Bun’s 2020係香港首個室內滾軸溜冰場，溜冰場充滿住懷舊氛圍，入面有七彩霓虹燈同Disco Ball，有濃濃嘅80年代風格，去打卡都一流。有別於傳統溜冰，室內滾軸溜冰場相對比較安全，適合新手去玩，而且如果係曖昧緊的話，仲可以借啲意拖下手仔，冒出更多粉紅色泡泡啦！
地址：荔枝角長義街9號D2 Placeone5樓A室／鰂魚涌渣華道321號柯達大廈1期7樓
價目表
Home.焙小日子
情人節少不免要送朱古力比對方，唔想下下送貴嘢但係屋企整又無架撐，咁不如一齊出去DIY Bakery教室整啦！Home.焙小日子係由台灣開嚟香港嘅自助烘焙店，係香港有2間分店。每間分店都佔地超過1,500呎，有四十多款甜品食譜俾你揀，甚至特別節日會有特別食譜！店內各種不論焗爐、攪拌機等工具都有一定數量，所以唔駛擔心要排好耐先有得用啦。
地址：旺角太子道西193號新世紀廣場(MOKO)5樓502號舖／荃灣楊屋道18號荃新天地二期地下G27號舖
價目表
Snow & Surf
情人節去唔到外地睇雪，不如係香港「滑雪」？Snow & Surf擁有全港唯一嘅滑雪賽道，而且賽道斜度設計適合初學者學習。另外如果你係高手，仲可以用佢哋最先進嘅旱雪金針菇電動滑雪練習機練習。係室內滑雪最正嘅地方就係唔洗換衫咁麻煩，一去到就可以即玩！
地址：葵涌葵秀路 8-10 號瑞森工業大廈2樓
- 滿足不同經濟需要：交學費、交Hall Fee、還卡數、買電腦、學車、創業
- 任何本地大專院校學生均可申請
- 申請只需2份文件（學生證+身份證），毋需收入證明
- 月平息一律低至 0.84%*
- 最快即日批核
- 全程網上申請貸款及確認過數
- 隨時提早還款，0手續費0罰息
大專生很多時候急需資金周轉交學費，但政府學資處的貸款計劃又未能及時批核。因此，uFinance 根據過往同學們的良好還款紀錄，不斷簡化申請程序，申請只需「學生證+身份證」，申請成功率高達95%，全程網上快捷辦妥，貼合同學需要。
