校園Guide

情人節就到啦，除左男朋友會好努力為女朋友準備禮物，女朋友們諗好送咩都係一門學問。今次我地為大家整合咗男朋友「最唔想」收到嘅情人節禮物，等大家唔好中伏。另外小編仲貼心地整合咗各3款適合男朋友最想收到嘅情人節禮物，平貴都有，相信總有一款岩心水嘅！

不過帶個頭盔先，建議未必人人都啱洗，大家買禮物時一定要根據自己另一半嘅喜好參考，買錯小心跪玻璃啊！

 

「最唔想」收到嘅情人節禮物

世事難料，相信大家見到呢個結果都會好驚訝！台灣近日做左一個統計，由網民選出男朋友「最唔希望」收到嘅情人節禮物，前3名係：「首飾」「花」「食物」

首飾：對女性嚟講互相擁有共同的飾物係向人表示「我哋係一對嘅」，不過有一啲男生會認為好老土，尤其係要面嘅男生，所以最好預先了解對方中意咩類型的飾物。

花：比起愛浪漫嘅女仔，男生更喜歡實用的禮物。花雖然靚，但無法好好收藏而且需要悉心處理，會相對有啲浪費。

食物：為對方準備一頓又美味又香嘅美食係一件好sweet同貼心嘅事。不過如果沒有了解清楚對方的飲食喜好，又加入對方唔中意嘅食物，就會將浪漫氣氛破壞～

 

Top 3 男朋友禮物精選

（1）銀包

     

銀包係最貼身之物，出街都一定要帶，算係實用之選。以上係3款價錢合理容易負擔嘅銀包款式，有皮亦有布款，岩曬唔同風格嘅男仔。

 

（2）手機殼＋手機繩

     

手機繩對於唔鍾意帶袋出街嘅男仔黎講都幾重要，尤其出去玩、參加活動嘅時候，手機繩就大派用場啦！

 

（3）電鬚刨

     

Braun﹑Panasonic﹑Philips 呢三個品牌都係喺電鬚刨界非常出名嘅牌子，送禮都好好睇頭啊！受budget所限嘅就可以選擇性價比高嘅Braun牌子，within $800都有好多選擇，而Panasonic﹑Philips 價錢方面就會相對貴小小了～