校園Guide

「唉，聽日9點堂，個Roommate仲係度煲劇嘈住哂。」
「唉，聽日Dayoff，個Roommate一大早嘈生哂，點訓呀。」
大學生一生總會遇到唔同既Roommate。根據不正式統計，大部分都係唔夾到爆炸嘅。小編大大話話住左幾年宿舍，遇到過嘅真係千奇百怪！

一，早餐型

Wow～住Hall好Warm呀！永遠係你同周公拍緊拖果陣，佢總會叫醒你叫你同佢食早餐 。
大佬呀，比我抖下得唔得呀 我今日Dayoff呀！依加先8點！！

二，聽障型

其實小編好明白上堂起身一定要較鬧鐘，響果一兩下我唔會Mind，但係有D Roommate永遠就算鬧鐘幾大聲都好都係會聽唔到 係要嘈到你醒再叫醒佢先心息～真係好慘。
小編試過個Roommate日日較7：30AM鬧鐘，但係又冇堂，仲要用iPhone最煩膠既警鐘鬧鐘，燥到呢

三，厚臉皮型

Roommate：「咦，依個咩黎架，可唔可以食一舊？」 「喂，我拎你D媽媽巾用，懶得買。」「慘啦！冇哂廁紙！你有就得啦！咁我唔洗買！」
我：「⋯」
依類Roommate，見到就想走，佢永遠唔會自己買零食／日用品，因為食／用你果D咪得囉！係咪先

四：八掛型

住左個八掛型Roommate，好既就知道好多八掛，壞既就係每晚佢都好似審犯咁，下至GPA上至屋企。
我有時都好想講：「＿！關你＿事！」

五：學霸型

永遠只會番黎訓，其餘時間唔會出現，好似Library先係佢個Hall咁。對於小編黎講係幾正，又有私人空間，又有多D動力溫書。
 

延伸閱讀:

【大學生活迷思二】住Hall生活

【大學生活迷思一】讀大學的意義

【大學生活迷思三】上莊教曉我的事

解釋上莊全術語 — Con Day咩意思？

最不堪回首！召喚聚生DSE回憶