校園Guide

又就嚟到情人節，有伴侶嘅你地一定會約出嚟慶祝，尤其女仔都好期待可以打扮得靚靚同男朋友或心儀對象約會。但係有時你覺得靚嘅，男仔未必鍾意，要捉得住男神嘅心，就要知道最受男仔歡迎的穿搭！今次懶人包就為大家分享日本網站訪問「最受男仔歡迎的穿搭」嘅Top5！想係呢個情人節捉住男神嘅心？快睇睇落去啦！

 

Top5：露肩衫

原來男仔都鍾意小性感嘅露肩衫。依家天氣仲有啲凍，著外套咪睇唔到露肩？咁你入餐廳食飯會除外套㗎嘛，到時男神咪睇到你靚靚嘅鎖骨，小性感得嚟，又唔太暴露，話話唔定男神會心心眼！

 

Top4：貼身上衣、針織衫

貼身嘅針織衫，可以展現身體線條，望落更加有女人味，就算天氣凍搭著厚外套，都唔會顯得臃腫。

 

Top3：清楚系穿搭

日本很流行「 清楚系」穿搭，意思就是打扮得整潔，比人溫柔大方嘅印象。通常都係淺色系穿搭，唔好有過量飾物。

Top2：帽子

原來男仔都鍾意有帽配搭的穿搭，貝蕾帽、報童帽都係唔錯嘅選擇！對女仔嚟講更加係福音，因為可以唔洗曬時間set頭！

 

Top1：連身裙

連身裙唔洗曬時間襯衫就可以突顯女性氣質，A字剪裁連身裙可以修飾身材，亦有成熟優雅的感覺，今次仲收服唔到男神？！