校園Guide

見到身邊嘅朋友個個都一雙一對，但自己仍然孤枕獨眠好Lonely? 想試下上交友app識多啲朋友，但對住電話入面五花八門嘅app睇到花多眼亂？小編今日就整理咗5個香港人比較常用嘅交友app比大家，希望大家可以一擊即中搵到真愛啦～

 

1.Tinder

呢個可以話係交友app嘅元祖級人馬，入面有嚟自唔同國家嘅用戶，而作為熱門交友app，Tinder有唔少成功配對的紀錄，官方更宣稱每日有超過2600萬次配對，更加有唔同語言version，design上面亦都非常user friendly，只要雙方互like就可以進行配對，有興趣嘅不妨一試喔！

2.Omi

Omi 算係交友app界嘅後起之秀，標榜嚴格過濾用戶。所有用家喺開AC 嘅時候都要upload清晰嘅icon做認證。同埋個人界面都可以揀岩自己嘅Hashtag，令大家都可以互相了解對方。

3.Coffee meet bagel

呢個app將人際關係比喻為食物，識朋友就好似係要搵出最夾嘅口味咁。呢個app會要求你輸入基本資料同埋喜好，然後會每日為你提供20個配對,好多用戶都表示CMB上面嘅用戶普遍都幾高質～

4.OkCupid

呢個app雖然只係提供英文界面，但其實用落都幾容易上手！除咗要填基本信息之外，開account嗰陣仲可以額外答15條個人取向問題，進一步篩選同埋配對合適嘅對象。

5.Goodnight

Goodnight呢個app以聲音做賣點，強調以以電話對話形式與配對對象聊天。一般會限時7分鐘，頭30秒之後就需要決定係咪繼續。比起傳統交友app更有新鮮感，令人眼前一亮喔。

ps.無論係識朋友定識伴侶都好，都要小心為上，好好保護自己啊～