校園Guide

各位fm寶寶，上集就介紹咗6間大學，上集冇你間大學？唔緊要！今集就介紹返淨低嘅科大、教大、城大、公開大學、樹仁大學！趁未開學就快啲了解下先啦！

 

1.香港科技大學

科大位於清水灣，因為學校不是在市區，所以環境都比較清幽、背山面海，但亦都因為位置比較偏僻，同學仔都要坐專線小巴或者巴士返學。出名嘅學科有電子工程、電腦科學、工商管理學等。眾所周時，科大嘅workload真係比其他學校多，好多Assignment、project、midterm exams等，好多人都會話辛苦，所以UST又名University of Stress and Tension?宿舍方面，科大總共有9個hall係for本科生，分別係Hall1-9。

 

2.香港教育大學

教大位於大埔，同樣因為學校不是在市區，所以環境亦都比較清靜。比較出名嘅學科包括教育及人類發展學、人文學等，主要都以教育為主嘅課程。不過想成為老師前都要先完成教育文憑及教師語文能力評核，先可以成為老師，並不能單靠學士課程。正正因為教大比較注重教育，所以女仔比較多，聽聞仲因為咁學校女廁多過男廁，男仔搵廁所都要行遠啲?宿舍方面，教大嘅宿舍係全港唯一以獨立屋設計嘅hall，依山而建，仲要有露台，你話chill唔chill啦～

 

3.香港城市大學

城大位於九龍塘，係商場「又一城」隔離，所以又比人叫做又一城市大學。出名嘅學科有電腦科學系、電機工程學系等。 城大有個特別嘅傳說，就係AC1嘅入口又5對紅門，但千奇唔好行中間嗰道門，因為傳說話行過中間道門，gpa就會唔過3，所以同學仔都好少行中間道門。宿舍方面，總共有11棟宿舍，而SRO（student resisdence offfice）係負責曬所有有關宿舍嘅大小事務，有咩關於宿舍都係問佢地。Hall1-3就比較舊，但係就近Campus；Hall10-11係新hall，設施較新，但距離campus亦都比較遠，所以住新hall定舊就自己衡量一下。

4.香港公開大學

OU位於何文田，校舍亦比較細，由3座大樓組成；分別係Main Campus、賽馬會校園同賽馬會健康護理學院。比較出名嘅學科係護理學。OU出名「易入難出」，容易入，但難畢業，如果你fail咗某啲科目，學校會要求你重新retake/resit，而你亦都要再比錢去讀。所以唔想嘥錢就努力讀啦！唔只retake要錢，令人不可理喻嘅係畢業都要俾錢，想畢業就記住交錢啦！宿舍方面，可能就滿足唔到local嘅同學仔啦！因為OU嘅宿舍只係for非本地生。

 

5.香港樹仁大學

樹仁大學係香港嘅第一間私立大學，位於北角寶馬山。校舍唔算大，成日比人感覺似中學。出名嘅學科係新傳同社工。宿舍位於文康大樓，total有14層；9層係女宿，5層係男宿。不過都聽過讀樹仁嘅朋友話樹仁嘅Hall係好難Reg，所以大家真係想住hall就要做足準備！