校園Guide

好多人都會趁後生學多啲嘢，增強自己嘅競爭力。學唔同嘅語言都可以話係大熱，因為有好多唔同嘅國際性公司係香港屹立，呢啲公司正正需要唔同嘅員工識唔同嘅語言去幫公司與不同地區嘅人合作。但係喺咁多種語言入面應該要揀邊種去學呢？學西班牙文？但係發音對香港人嚟講可能好難喎！唔緊要，今日小編就係到介紹一種對香港人嚟講比較容易而又有頗大的需求的語言——韓文。

      1.韓文中有七成係漢字

係韓文嘅世界入面，詞彙大概分為三個部分，固有詞、漢字詞同外來詞。固有詞就係韓語本身就有嘅字詞。漢字詞顧名思義就係借用漢字嘅意思而組合成詞彙，然後再用韓語嚟讀漢字寫成的詞。最後外來詞就係無法利用漢字書寫嘅詞，當中大部分以英文為多。係呢三種詞彙，漢字詞佔七成有多！對於母語係中文嘅人嚟講學韓文可以話係贏在起跑線。

      2. 韓語讀音同廣東話相似

 講到相似性，一定係收尾音。韓語的收尾音同廣東話的收尾音大致一樣，廣東話有P、T、K嘅收尾音，而韓語亦保留P、K嘅收尾音。所以母語係廣東話嘅人比起母語係普通話嘅人更加容易發韓語讀音。

      3. 韓語數字同中文數字一樣

韓語數字有分2種，韓國數字同漢字數字。而漢字數字係同中文數字一模一樣。所以我哋比起其他母語唔係中文嘅人又背少一樣嘢啦！