校園Guide

情人節唔少人都會送朱古力表達心意，但你又知唔知道朱古力都有自己嘅愛情物語，送唔同朱古力都表示唔同意義。今次分享6款常見朱古力嘅愛情物語，送禮嘅朋友睇下有冇你想對收禮物者嘅說話啦～

牛奶朱古力

情人節最常送嘅朱古力相信非 牛奶朱古力 莫屬。但你又知唔知原來牛奶朱古力代表 正在熱戀著對方，而且牛奶朱古力亦表示你覺得對方好純品同乖巧嘅意思添。

黑朱古力

黑朱古力一般較少人喜歡，因為比較苦，但中意黑朱古力嘅朋友就會因為佢嘅甘味而中意。黑朱古力同佢嘅甘味一樣有 你願意和對方同甘共苦 嘅意思。而且黑朱古力亦代表你覺得對方有個性，很神秘，深不可測嘅意思。

白朱古力

白朱古力同其他朱古力唔同嘅係白朱古力只有可可脂，沒有可可粉、可可膏的成分。相對其他朱古力，好多時白朱古力甜很多，所以唔係太多人中意。不過白朱古力有代表 你對對方的情意正濃 嘅意思，而且亦表示你覺得對方超凡脫俗，不食人間煙火嘅感覺。

酒心朱古力

酒心朱古力多為圓錐形，最外層是朱古力殼，中間是糖做的硬殼，最裡面有液體酒，所以未夠18歲嘅朋友就唔好買啦～ 酒心朱古力代表 你已經愛上對方 的意思，非常適合表白用！

咖啡朱古力

咖啡朱古力都非常適合表白，因為咖啡朱古力代表 你想同對方講「我愛你」嘅意思。如果你有心儀對象又怕將「我愛你」講出口破壞關係，不妨試下送咖啡朱古力，暗暗地向對方表達愛意。

榛子全粒朱古力

榛子全粒朱古力口感十足，有代表 你對對方一心不變 嘅意思，不過記得要睇下對方有冇對花生及木本堅果類敏感，如果唔係就尷尬同令到咁sweet嘅舉動有不好嘅回憶

 

以上嘅意思只供參考，其實依家都少人注意背後嘅意思，女生/男生收到心儀對象/另一伴送朱古力就已經好開心架啦～