校園Guide

「感情變淡」往往係分手最常見嘅理由，但其實係咪真係感情變淡，定係只係藉口？今次「戀來戀去」就同大家分享5個感情變淡嘅徵兆~

---

1.隔好耐先覆message

當你message對方嘅時候，對方經常拖勁耐先覆你，有時仲隔成日先覆，重要覆你嘅時候覆得勁hea，一係就覺得唔耐煩咁。如果經常係咁就可能係感情變淡嘅徵兆

 

2.花好少時間係你到

對鍾意嘅人付出自己所有時間好正常，但係如果對方對你所付出嘅表現得唔在乎，或者佢冇乜付出時間係你身上，咁你就真係要諗下佢對你嘅感情係咪變淡咗喇～

 

3.見面嘅時候態度冷漠

見面嘅時候如果大家冇咩話題講，各自顧住玩電話，一次半次都正常嘅，但係次次都係咁嘅話就要諗下你地之間有地咩問題喇～

4.講電話冇咩熱情

拍拖一定經常講電話，通常一講就一個鐘起跳，但如果對好似趕住收線，又或者淨係覆「嗯」、「哦」等敷衍字句，咁可能代表對方對你嘅感情變淡咗了～

 

5.對你講嘅說話冇興趣

如果對方聽你講嘢或者傾心事嘅時候冇咩點回應你，或者hea覆你，甚至覺得唔耐煩，唔想聽你講，對方對你嘅感情可能變淡了。