校園Guide

愛情係應該互相信任，係應該坦誠相見。但有啲說話，講咗出嚟好可能會分手收場。今日小編整理咗10句好有危機嘅說話，大家要小心小心。

 

1）自己過往嘅黑歷史，例如出軌

自己黑歷史例如出過軌，好易令拍拖對象聯想到你將來都會有出軌嘅機會，造成不必要嘅憂慮同擔心，影響對方對自己嘅觀感。

 

2）認同對方身材唔好

有時候對方會問自己，佢「肥唔肥啊」、「瘦唔瘦啊」。如果你表達出認同對方身材唔好，係好hurt對方架！！所以點都要答對方，「你唔肥啊」、「好瘦啊」、「好靚」。

 

3）侮氣說話

通常嗌交嗰陣都好易將以下呢啲侮氣說話講出口：「你鍾意啦」、「你開心就得」、「係囉你啱晒我錯晒」。

 

4）表達對方送咗一份唔適合你或者唔鍾意嘅禮物

當對方送咗一份唔適合、唔鍾意或者無用嘅禮物，為咗對方嘅感受，真係要掩飾呢份反感，盡量表達出正面嘅說話，例如欣賞對方花嘅心思同時間。

 

5）表達對方換咗個你唔鍾意嘅新髮型或者衣著

當對方換咗個新髮型，或者今日著嘅衫你覺得唔好睇，同第二點相同原因，就係因為顧及對方感受，唔想hurt到對方，千祈唔好直接話唔鍾意。呢個時候真係好考言語藝術，小編建議可以講「覺得你上一個髮型好睇啲」，或者直接買衫比對方就解決到啦。