校園Guide

Pane e Latte意大利麵包店係上個月登陸赤柱，粉紅色的歐陸裝潢吸引不少人去打卡影靚相！而餐廳位置正正就係較早前《大叔的愛》嘅拍攝場地黃屋旁邊。呢間餐廳主打自家烘培麵包，因為係自家烘培嘅關係，都係新鮮出爐即焗即售！就等小編率先士卒，為大家試試佢～～

1.裝潢

     

首先，餐廳外部嘅裝潢已經非常適合打卡！餐廳裝潢都係以Pastel顏色為主，非常有少女味?

淺黃色嘅外牆，配上淺藍色嘅窗花，再加白色粉紅色間條小簷篷，令人覺得置身於歐洲，而餐廳前面正正就係赤柱海邊，更加比到陽光與海灘嘅感覺！??

     

而餐廳內部嘅裝潢選用前粉紅色為主調加上歐陸風嘅設計，又係滿滿嘅少女味，好多位置都好靚，啱曬一班女仔一齊去打卡影靚相！

2.食物

餐廳擁有自家烘培場，主打各款即焗即售嘅麵包，有牛角包、意大利冬甩、酸種包等等，計計埋埋有超過40款烘培物，總有一款啱你口味！Pane e Latte所製作嘅麵包都是以意大利麵粉製作，不加防腐劑同添加劑，所有烘培品都唔會留過夜，大家食到嘅都係天然又新鮮嘅麵包同甜品！

餐廳另外都有售意大利麵、burger、沙律、All Day Breakfast。但可能今次主打烘培品，個人認為主食稍為遜色。

 

3.額外活動

開始都講到Pane e Latte旁邊正正就係較早前《大叔的愛》嘅拍攝場地黃屋，大家食飽之後不妨順便到隔離黃屋打吓卡，需然黃屋依家正在維修，但係只要大家校啱角度都可以影得好靚！另外，小編亦都有去到赤柱市集行下，不過已經不如昔日嘅熱鬧，好多吉舖，大家不妨去赤柱市集，仲有好多小店都好需要大家支持！