校園Guide

依家疫情冇得出外旅遊，有時候都會去下迪士尼樂園遠離煩囂，感受一下迪士尼樂園歡樂嘅氣氛～至今全球有6座迪士尼樂園，分別係美國加州以及奧蘭多迪士尼，歐洲唯一嘅巴黎迪士尼，以及位於亞洲的東京、上海和香港迪士尼。唔好以為每座迪士尼樂園都一模一樣，其實佢地各自各有特色，有獨有嘅園區！上集介紹左美國兩個以及巴黎迪士尼，今日就介紹埋位於亞洲的東京、上海和香港迪士尼獨有嘅設施園區。

 

1.東京迪士尼樂園

東京迪士尼係亞洲第一個迪士尼主題公園！講到獨有園區就不得不提上年開幕的新園區「美女與野獸」園區，係世界首座《美女與野獸》城堡，足足高達30公尺！而城堡內就是遊樂設施「美女與野獸·魔法物語」遊客會坐係咖啡杯入面參觀，形式有啲似香港嘅「迷離大宅」。另外一個最特別嘅係東京仲有「東京迪士尼海洋」，係全世界迪士尼樂園第一次出現的主題。

 

2.上海迪士尼樂園

上海迪士尼擁有全球首個集齊所有迪士尼公主，全球最高、最大的迪士尼城堡「奇幻童話城堡。園區方面，上海迪士尼擁有全球首個以《加勒比海盜》系列電影為主題的園區，內有全新獨創的「加勒比海盜」遊樂設施。另外，亦擁有全球首個以及唯一以摩托車騎乘形態作為玩樂方式的室內嘅過山車「創極速光輪」，相信大家都係網上見過！

 

3.香港迪士尼樂園

香港迪士尼樂園係世界面積最少嘅迪士尼樂園，雖然係最細，但係就擁有世界上所有迪士尼樂園中最大的「探險世界」園區。香港迪士尼樂園擁有兩個全球獨有園區，分別係「灰熊山谷」同「迷離莊園」。而「迷離莊園」嘅核心遊樂設施「迷離大宅」係講述一位英國探險家亨利爵士於熱帶雨林設立一座博物館，供予賓客參觀，博物館內擺放着不同的收藏品，遊客將會坐係電磁廂車內經歷一次驚心動魄的博物館之旅。