校園Guide

情到濃時，相信好多人都會對伴侶做出比平時熱情嘅舉動，但好多事一個唔覺意就會喺對方頸上面留低明顯的吻痕，雖然都係一件甜蜜嘅事，但有時如果要見客／比身邊嘅人見到其實都真係有小小尷尬～唔緊要小編今日就為大家搜羅左5個小妙招，咁就可以甜蜜得嚟又保持形象啦！

 

1.遮瑕法

遮瑕膏雖然係指標不治本，但係喺危及關頭都幾實用。但原來遮「咖喱雞」都有技巧ga，只要將綠色同黃色嘅遮瑕膏混合後抹在吻痕上，就可以有效咁中和翻啲紅色。記得用完遮瑕之後再用比膚色淺一號的粉底蓋一蓋，睇落就更加自然啦。

2.用打蛋器／銀仔打圈按摩

呢個方法比較痛，但好有效，適合第二日要見人嘅你。打蛋器／銀仔都得，其實只要係比較低溫嘅金屬，最方便嘅就算係唇膏殼／鐵羹都得！首先將吻痕周圍的皮膚拉平，伸展開個紅腫位，然後用硬幣嘅邊緣嚟刮皮膚，要用小小力，但記住小心唔好將皮膚刮損刮出血。

3.用去瘀膏／凡士林

其實吻痕都係瘀痕的一種，所以用處理瘀傷的藥膏例如喜療妥／痔瘡藥膏／凡士林呢啲搽在於吻痕位置然後按摩10分鐘左右，真係可以有效加速咖喱雞消退ga，不過記住呢啲方法都唔可以一日消紅，所以之後一兩日最好都係用遮瑕膏或粉底液遮一遮。

4.冷熱毛巾交替敷

喺吻痕出現24 小時之內先用冰毛巾敷20分鐘可以令吻痕位置的微絲血管收縮，減少吻痕位置的出血量。然後再轉熱毛巾熱敷，加速吻痕位置的血液循環，帶走淤血。呢個方法雖然比較慢，但相對唔咁痛，如果冬天可以盡量著件高領嘅衫咁就萬無一失啦！

5.用牙刷刷開佢

用儘量新嘅牙刷或者梳，輕輕咁刷吻痕及周圍部位。咁樣做可以加快血液循環，之後等15分鐘左右，紅腫消退咗再冰敷。之後如果吻痕還沒有消退，就重複再來一次。想再有效啲，用完牙刷用牙膏。輕輕咁喺吻痕上搽一層牙膏，等牙膏滲入皮膚唔痛之後，再用熱毛巾把牙膏抹乾淨，吻痕就好快會消啦。